طالبت الفيدرالية الوطنية لجمعيات آباء وأمهات وأولياء التلامذة بالمغرب، بإلغاء العطلة البينية المقبلة في حال تم الوصول إلى حل مع الأساتذة.
وقال نور الدين عكوري، رئيس الفيدرالية الوطنية لجمعيات آباء وأمهات وأولياء التلامذة بالمغرب، في تصريح لموقع “كيفاش”، إن “يجب إلغاء العطل البينية باش يالاه يقراو التلاميذ شوية، حيت التلميذ كياخذ عطلة باش يمشي يركز فداك الشي اللي قرا”.
وشدد عكوري على أنه “يلا تحل المشكل مع الأساتذة خاص العطلة تلغى باش يالاه نستدركو شوية داك الشي اللي ضاع فالمقرر، ويكون تكافؤ الفرص مع تلاميذ التعليم الخصوصي، ما يمكنش نعطيو عطلة لتلميذ ما قراش هاد الشي كيتسمى العبث”.
وبالنسبة للتعليم الخصوصي، أوضح عكوري أن “الأمور عندهم واضحة، حيت كانو كيشتغلو وهادوك التلاميذ غادي يكونو عياو خاصهم يرتاحو، أما تلاميذ العمومي ما كانوش كيقراو خاصهم يدخلو يقراو حيت كانت عندهم إضرابات”.
وأشار رئيس فيدرالية أولياء التلاميذ إلى أن “العطلة مديورة للتلميذ ماشي للأستاذ، الأستاذ را عندو غير شهر واحد فالعام بحال جميع الموظفين، ما يمكنش نعطيو عطلة والتلاميذ ماقراوش را يلا درنا هاد الشي را غنوليو كنلعبو هنا”.
