محمد المبارك
تفعيل الغرامة ديال “25 درهم على ممر الراجلين”، والزيادة فتكاليف الحصول على الباسبور، وأشياء أخرى، خلات شي مغاربة يبداو يتشكاو من حكومة سعد الدين العثماني.
هاد الناس اللي معجبهومش الحال، سماو حكومة سعد الدين العثماني “حكومة الدق و السكات”، وقالوا باللي العثماني، اللي معروف عليه السكوت والمشاهدة بدون رد فعل، “كيكوي بالبارد”، وباللي “ردة فعله ماشي بالكلام وإنما بالزيادة”.
أكثر من هاد الشي، شي نشطاء فالفايس بوك جاهم الحنين إلى سلفه عبد الإله ابن كيران، وقالوا باللي الأمور كانت معه أرحم، وفيهم اللي قال باللي مع هاد الحكومة لن تستغرب ضريبة على الأوكسجين.