محمد المبارك
الفرق الموسيقية اللي كتخدم في الأعراس كدير بزاف ديال الطرق باش الناس يعرفوها. فرقة “دار الضمانة” للثراث العيساوي استغلت حضورها في برنامج “رشيد شو” على القناة الثانية، البارح الجمعة (19 يناير)، وكتبو رقم الهاتف ديال رئيس الفرقة عبدو شيريف عالله يجيب الله شي عرس في الطريق، ولكن تأتي الرياح بما لا تشتهي السفن، صدقوا جاو عروض زواج. كيفاش؟
من بعد الحلقة مباشرة، بداو البنات فالفايس بوك كيحطو منشورات فالكروبات طلبا للرقم ديالو اللي ظهر على الشاشة، وكاينين كذلك اللي خافو ليكون هداك الرقم غير ديال الخدمة فقط وطلبو الفايس بوك.
بقى هاد الصداع نايض حتى كتبات ليهم بنت في تعليق باللي السيد راه ولد جيرانهم ومتزوج وراه الصورة اللي حاط فالواتساب كيبان فيها الخاتم في يديه، ولكن هاد الشي ما منعش بعض الفتيات يتصلو بيه ويقولو ليه راك عجبتينا.
