فرح الباز
قالت نجاة اعتابو إنها انسحبت من العديد من الحفلات الخاصة التي يقيمها خليجيون سواء في المغرب أو في الخليج، والسبب “كنمشي وكنلقى داك الشي ماشي هو هاداك، ماشي ديالي”.
وقالت نجاة، خلال استضافتها ببرنامج “في قفص الاتهام” الذي بث مساء اليوم الجمعة (17 أبريل)، على إذاعة ميد راديو،”أنا كنعتبر نفسي من الناس المحظوظين وخديت نصيب الأسد في الرزق”، ونفت أن تكون قد حازت “كريمة”، مؤكدة: “جات الفرص، كون بغيت ناخد كريمات كون خديتهم، لأنه جاتني فرص أكثر مما كتصور، وهما كيقولو ليا غير ختار أشنو بغيتي .. الملك ديالنا الله ينصرو ملي كنمشي عندو كيقول ليا نجاة محتاجة لشي حاجة، هادي دارك وأي حاجة بغيتها وكنقول ليه بغينا غير رضاتك علينا”.
وصرحت نجاة بأنها تتقاضى مقابل إحيائها حفل زفاف ما بين 10 إلى 12 مليون سنتيم، “أنا ما كنقبضش العرس كامل أنا كندير غير نمرة في وسط العرس يعني كنخدم ساعة، يلا رشقات لي وكنت عاجبني الحال ساعة ونص ما كنفوتهاش”، مشيرة إلى أن هذا المبلغ ليس ملكا لها بمفردها بل تتقاسمه مع فرقتها المكونة من عشرة أو اثنى عشر شخصا.
ونصحت نجاة الفنانين المغاربة بالحفاظ على أموالهم التي يكسبونها من إحياء الحفلات، لأنه “ما خصهومش يسهروا في الكباريات ويخسرو فلوسهم ، راه داكشي ما كيدومش، وأنا كاع هاد الشي ضد”.
