صورة السنة

سيادنا السلام عليكم. اليوم بغيت نقول ليكم بون آني، وسنة سعيدة، وهابي نيو يير، وأسكاس أمباركي، بالطريقة ديالي.

شوفو فهاد الصورة مزيان، وتأملوها، وردو ليها البال، وخممو مزيان.
شحال من واحد غادي يمشي يضرب الطاصة (سمحو لي على الكلام الخاسر ولكن اليوم راني معصب) فسانك إيطوال، وشحال من واحد غادي يمشي للكاباريهات، وشحال من واحد غادي يشري أطنان ديال الحلوى، ولكن بحال هاد الناس حتى واحد ما مسوق ليهم.
هادا واحد الكوبل (يعني راجل ومراتو) عايشين قريب لخنيفرة وميدلت. ما كاين ما يتقال، كلشي باين على وجوههم.
بغيت كل واحد منكم يتفكرهم ملي يكون كيحتفل براس العام (اللي ماشي حرام طبعا كيف ما باغيين شي وحدين يقولو لينا).
بالله العلي العظيم إنها صورة السنة، سواء كانت التقطت فـ2012 أو في أي عام آخر. إنها الصورة التي تحاكم الجميع.
نتلاقاو العام الجاي. تشاو تشاو.