علق عبد اللطيف ميراوي، وزير التعليم العالي والبحث العلمي والابتكار، على توعد طلبة الطب المقاطعين للامتحانات احتجاجا ضد تقليص سنوات التكوين الطبي بمنحهم نقطة 0.
وأبرز ميراوي، خلال حلوله ضيفا على قناة “ميدي 1 تيفي”، أن “ما كنتوعدو حتى حاجة، حنا كنقولو اللي جا دوز الامتحان ديالو مرحبا بيه واللي ما جوزش الامتحان غادي ياخد 0 ديالو”.
وشدد وزير التعليم العالي، على أن “جميع الطلبة عارفين أنه كتبقا عندهم الدورة الاستدراكية”، متابعا: “كنطلب من جميع الطالبات والطلبة والآباء والأمهات باش يفهمو أننا فهاد الحكومة واش غير فقنا فالصباح وقلنا غادي نجيو ونزلو من 7 سنين لـ6 سنين… واش عندنا شي انتقام؟ “.
وأكد ميراوي، أنه “حنا كنديرو نموذج صالح لبلادنا لأنني كنسمع بعض المرات الطلبة كيقولو بأننا درنا من 7 لـ6 سنين باش ما نبقاوش نمشيو لفرنسا ودول أخرى”.
وكانت تصريحات وزير التعليم العالي بمنح طلبة الطب المقاطعين للامتحانات نقطة 0، قد أثارت جدلا وسخطا عارما بين أوساط الطلبة الرافضين لتقليص سنوات التكوين الطبي إلى 6 سنوات عوض 7.