كشف العداء العالمي، سفيان البقالي، عن كيفية قضاء يومه بين التدريبات المكثفة والخلود للراحة استعدادا للمنافسات المقبلة، مشيرا إلى أنه لكي تكون رياضي من المستوى العالي يتوجب عليك حرمان نفسك من كل الأمور الثانوية.
وقال البقالي خلال استضافتي في برنامج “مع الرمضاني” الذي يبث كل يوم أحد على قناة الثانية “باش تكون رياضي من المستوى العالي ما كتعيش وقتك كيف باقي الناس، وخاصك تحرم راسك من بزاف دالحوايج، ما كتخرجش فأي وقت وما كتمشيش للقهوة فأي وقت يعني كتركز فقط على التداريب ديالك، خاصك فترة صباحية ديال التداريب وخاصك فترة مسائية يعني خاصك ترتاح بيناتهم فاش غتقول غنتريني ونخرج لا را خاصك تريني وتمشي تنعس ترتاح”.
وفي تفاعله مع سؤال الإعلامي رضوان الرمضاني حول وثيرة وروتين تداريبه، قال “فاش كيكونو عندي 2 حصص فالنهار كنضرب 26 كيلومتر يعني 16 كيلومتر فالصباح و10 فالعشية”.
وأضاف “الخدمة ديالنا ما فيهاش غير الجري صافي، ولكن فيها حصص اللي كيكونو داخلين حتى هما فالجري، ولكن بسرعة كبيرة وتقنية خاصة يعني تقدر تكون عادية ولا مغايرة على المسافة اللي كدير وهذا هو أساس ألعاب القوى، وكاين كذلك حصص ديال تقوية العضلات، وماشي ساهل باش تركز على هاد الحوايج بـ3 فنفس الحصة”.
وبالنسبة للوجبات التي يتناولها، قال البقالي “الماكلة كناكلو عادي بحال كاع الناس، ولكن فاش كيقربو المسابقات كنبداو نضربو ونقيسو”.
