شحال هادي، كانت النجومية غير فعالم ديال الكرة والتمثيل والغناء، ولكن اليوم مع الفايس بوك واليوتوب ولاو نجوم ديال النيت. كيفاش؟
سوينغا، اللي عندو قناة فاليوتوب سميتها آجي تفهم، سميتو مصطفى الفكاك، وكيدير فيدوهات دايرين البوز، وكان من بين السباقين لموضوع تعويم الدرهم، واللي شرح فيه شنو هاد العبارة الجديدة اللي دخلات على المغاربة.
المدون مصطفى الفكاك نجح في استقطاب نصف مليون معجب على صفحته في الفايس بوك.
هشام شرم، مدون فايسبوكي، صاحب التدوينات النارية، لديه أزيد من 70 ألف متابع على صفحته في الفايس بوك.
شرم البعض كيعتبروه طناز من درجة فارس، وكاين اللي كيقول بأنه شخص كيقدم المعلومة وكينتقد بطريقة ساخرة، واللي ما فيهاش العكر ولغة الخشب.
محمد سقراط، الكاتب والمدون الفايسبوكي، دار البوز هو ومرتو، من بعد ما دار اللايف فالفايس بوك هو ومرتو، الشي اللي خلاه يفكر يدير سلسلة على اليوتوب خاصة ويسميها غيثة وسقراط.
حسن بنيحيى، الشهير بـ”ماريو”، استطاع، من خلال حلقاته المباشرة على الفايس بوك بعنوان “ليالي ماريو”، أن يستأثر باهتمام النشطاء على موقع التواصل الاجتماعي.
اللايف اللي كان كيدير ماريو كان كيشوفو 35 ألف متفرج فالدقيقة، واللي كان كيدوي فيه على الشراب والجنس وكلشي اللي بالحمر.
