حكت والدة ناصر الزفزافي، وهي تغالب دموعها، تفاصيل الأحداث التي عاشتها يوم الجمعة الماضي (26 ماي)، بعد توقيف ابنها لخطبة الجمعة، و”قيادته” في احتجاجات في شوارع مدينة الحسيمة.
وقالت والدة الزفزافي: “داو لي ولدي وحرقوني على ولدي.. أش درنا حنا، حنا كنطالبو غير بالحقوق ديالنا، ودارو لينا هاد الشي، حنا ما غنقبلوش بهاد الشي واخا نموتو كاملين.. ياك جاو للدار وما جبرو والو، وما دقوش هرسو عليا الباب، هو كون كان غيسلم راسو، وهو بغا يسلم راسو ولكن الناس ما خلاوهش”.
وأضافت الأم، مسترجعة شريط أحداث الجمعة الماضي، في حوار مع موقع H24، “طلعت معاه للسطح وقالي أيما ما تخافش واخا يقبضوني أنا راه ما درت حتى حاجة، وهوما (البوليس) تيقولو لينا فتحو.. قبل ما نوصل الباب هرسوه.. دخل وهو يبانو لو هاداك (مشيرة بإصبعها إلى شقيق ناصر)، قبضو وبقيت كنجبد في البوليسي وكنقولو طلقو هاداك ما دار والو، ضربني وطحت ومشيت في غيبوبة”.
وتسترسل المتحدثة: “ملي جيت لقيت داري مهرسة والدنيا مكرفسة.. هزو شي كتوبا ديال الراجل أو واحد USB عطاها لي ولدي، قالي هاكي خبيها وحطيتها تحت الفراش ديالو.. قالي هاداك فيه أسرار الحياة ديالي، فيه دوك التصاور اللي خرجو”.
وعن اتهام ابنها بتقلي أموال من جهات خارجية، قالت والدة الزفزافي: “كيسمعو ناصر ناصر كيقولو راه عندو الفلوس ديال الجزائر، ما عندو والو ناصر هارهو الموضع (السرير) ديالو، ها حنا فين عايشين، فين غنجبرو فلوس الجزائر، ما جبرنا ديال المغرب عاد نجبرو ديال الجزائر، حنا ماعندناش حنا ضعفاء”.
واستنجدت الأم لأربع أبناء بالملك محمد السادس، قائلة: “أنا كنطالب الملك يشوف فينا حنا ضعاف ما عندناش، ولادي ما خدامينش، كيفاش بغيتي هاد الولد اللي ما خدامش يطلع، كولا مرة كيدخل كيجبر يماه مريضة وما تجبر باش تشري دواء وما يجبر مايكل”.
وأضافت: “الملك خاص يشوف فينا تاهو، ماشي كلا ساعة يدهمو الديور ويديو الدراري، لا، يقبض لينا الحق ديالنا، هو اللي عندنا عمرنا كرهناه ولا عندنا حقد عليه، كنبغيوه ما غيجيش شي واحد حسن منو يحكم علينا”.
وتحدثت والدة ناصر الزفزافي عن نقل ابنها إلى مقر الشرطة القضائية في الدار البيضاء، قائلة: “داوه للدار البيضاء فين غنجبر أنا باش نمشي نشوف ولدي ما عنديش باش نمشي، أنا كيجي النهار للي ما كنلقا باش نجيب خبزة، ملي يجيب الراجل جوج فرانك كيكون كلشي كيجبد.. اللي حكامين علينا كياخدو سبعة د المليون 10 دالمليون وحنا ما جبرنا باش نعيشو.. بغينا غير نعيشو مستورين وهما كيديرو فينا هاد الشي كامل”.
وتابعت: “ما نقدرش أنا نستحمل هاد الشي كامل أنا غادي ننتحر غنقتل راسي على ولدي يلا ما طلقوه ليا، أنا فيا السكر وما شربت دواء وما كليت ما شربت، يلا ما طلقوهش غنقتل راسي غنحرق راسي ونحرق معايا ولادي اللي ماخدامينش، أشمن عيشة هادي حنا ما عايشنش”.
