وصف رئيس شبيبة التجمع الوطني للأحرار، لحسن السعدي، الحملة المطالبة برحيل رئيس الحكومة، عزيز أخنوش، بـ“المفبركة”.
وقال السعدي، خلال لقاء حزبي، أمس الخميس (28 يوليوز) في مدينة طنجة، “الحملة كنعرفو كاملين أنها مفبركة، وهادوك اللي ما عجبهمش الحال غادي نعاود نقولها ليهم، هي حملة مفبركة من حيث النشأة ديالها، واللي واقف وراء هاد الحملة عندو أهداف غير اجتماعية”.
واسترسل رئيس شبيبة الأحرار: “كون كان عندهم أهداف اجتماعية كون جاو عند الحكومة وقالوا ليها ها هوما البدائل، اللي واقف وراها عندو هدف أنه يزعزع استقرار البلاد”.
وأضاف المتحدث: “باش تقول ليا تخفيض الأسعار مرحبا ولكن باش تقول ليا نحيد الحكومة!، وأشنو البديل؟ السيبة ياك؟ أشنو البديل ديالك؟ إذن أنت عندك هدف آخر”.
وتابع السعدي: “حنا كنوزنو الكلام ديالنا، ولا نتحدث بعشوائية وانفعال كيف كيديرو هوما… راه بلدك، الوطن اليوم، كيواجه أزمة، والوطن اليوم بحاجة لولادو باش يدافعو عليه، وتكون عندنا الغيرة على الصورة دالبلاد”.
ودعا السعدي المنخرطين في الحملة إلى متابعة وسائل الإعلام الجزائرية، قائلا: “طل على الصفحات ديال الإعلام الجزائري، أش كيقولو علينا؟ ثورة الجياع!، كيقولوا علينا دايرين ثورة على الجوع، كيقولوا علينا أننا بلد غير مستقر ويسيؤون لمؤسسات البلاد”.
وقال رئيس شبيبة الأحرار: “أنا اليوم فاش كتجي تقول ليا ديكاج ولا كتبغي تلوح الحكومة راك كتخدم الأجندة ديالهم، من حيث تدري ومن حيث لا تدري”، مردفا: “اليوم اللي خاصو يعتذر للمغاربة ماشي أنا، اللي كيحاول يشوه الصورة ديال البلاد ويبينا على أننا جياع هو اللي خاصو يعتذر للمغاربة”.
