رفض رضوان السملالي، رئيس الجمعية الوطنية للمصحات الخاصة، الاتهامات التي كالها حزب التقدم والاشتراكيه “لبعض المصحات التي تمادت في الاستغلال الفاحش للمصابين بكورونا”، حسب تعبير بلاغ لمكتبه السياسي.
وقال السملالي: “أنا ماشي سياسي أنا راسلت الوكالة الوطنية والوزير قلت ليه بحث فهاد الشي، هاد الناس برلمانيين علاش ما سولوش الوزير، واش بغيتو غي نديرو ليهم خاطرهم ونقول كاينة شي حاجة؟”.
وأضاف الدكتور السملالي، خلال استضافته في برنامج “بدون لغة خشب”، أول أمس الجمعة (20 نونبر)، على إذاعة “ميد راديو”، “ملي غتكون شي حاجة خارج الأخلاقيات حنا غنكونو أول حد غيشجبها، ملي قالو ليا الانعاش 60 ألف درهم، جاتني كثيرة فاش حطو ليا التفاصيل جاتني قليلة، حنا ما كناش مولفين هاد حالات كورونا ودرنا اجتماعات باش نقللو هاد الثمن”.
وأوضح: “فاش كتدخل كوفيد للمصحة كتحكم على راسك ما تاخدش حالات أخرى، واليوم هي الواجهة الوحيدة للي بقات عند المريض حيت المستشفيات العمومية عامرة… حنا ديما متهمين بالفلوس، والسياسيين اللي كيتهمونا بالمتاجرة كنقولو ليهم راه نتوما سبب هاد الوضعية، راه ما يمكنش تاخد المرضى بالمجان حيت نظام القطاع الخاص غيطيح”.
كما رفض رئيس جمعية المصحات الخاصة وصف هذه الأخير ب”تجار الحرب”، موردا: “اللي بغى يدير البزنيس ما يرميش ناس فكوفيد، منطق الربح ما كاينش هنا”.
وعن وضعية المنظومة الصحية المغربية اليوم، قال السملالي: “منظومات صحية فمستوى عالي وقفات بالأحرى هنا فالمغرب، 28 مليار غتمشي للتغطية الصحية، ملي كيكون عندك مغربي على 3 هو اللي عندو تغطية الصحية يعني تسنى بحال هاد الشي”.
وتابع: “هاد السياسيين اللي كيهضرو، جوج من التقدم والاشتراكية، دازو فوزارة الصحة، الوردي 5 سنين وهو جالس كيقول اللهم إن هذا منكر… هاد الشي اللي واقع فايت المصحات وفايت وزير الصحة”.
