كيفاش
الفنانة هدى سعد دافعات على زميلها فالحرفة سعد لمجرد، المشتبه فيه فقضية اعتداء جنسي ففرنسا، وحشات الهضرة للدوزي. كيفاش؟
هدى سعد نشرت صورة تتضامن فيها مع لمجرد وعلقت عليها بالقول: “يا ويلي يا سعد حسدوك حتى على المصيبة اللي أنت فيها الله يرد بينا فهاد المجال وخلاص”.
وأضافت: “آش قال ما قال، نوضو كتبو عليا باللي حتى أنا شدوني وعتاقلوني باش تدوي عليا الصحافة بففففففففف”.
هدى سعد حشات الهضرة للفنان الدوزي، اللي تنشر عليه خبار بداية هاد الأسبوع بأنه حتى هو اعتقلوه فهولندا بسبب اختطاف بنت تماك، وهي قضية كترجع الفصول ديالها لسنة 2013.
التدوينة ما عجباتش المعجبين ديال الدوزي وبدا السبان والمعيور، فقررت هدى سعد حذف التدوينة.