أستاذة نشرات تدوينة مثيرة كتقول فيها بغات تولي إمام على التلاميذ ديالها اللي كتقريهم، ولكن كتسول، بطريقة هزلية، واش ممكن.
الأستاذة كتبت على صفحتها في الفايس بوك: “كنت هدرت لتلاميذي على الصلاة وأهمية التأدية فوقتها. من بعد شي وحدين كيجيو موضيين ومنين كيوذن الظهر ولا العصر كيجوي عندي من تلقاء نفسهم وكيطلبو الإذن باش يصليو جماعة بلا ما نقولهم أنا”.
وتابعت: “مؤخرا قلتلهم ما تبقاوش تطلبو مني، غير يأذن نوضو تصليو إيلا بغيتو مكيعطلوش ربعة دقايق وكيرجعو يكملو خدمتهم. دابا أنا واش ممكن مثلا نصلي معاهم جماعة؟ يعني شكون اللي غيدير معاهم إمام ههه؟ هما صغار ومافيهم شي واحد كبير وأنا بالغة وهوما صغار وأنا امرآة وهما ماشي بالغين. كاين شي حل”.
