أحمد الحاضي (تـ: أيس بريس)
القمشات اللي كانوا فصدرو فضحوا “مول الديطاي” اللي قتل “غارسونة” في البرنوصي في مدينة الدار البيضاء.
المتهم الذي كان يبيع الديطاي فراس الدرب كان كيشوف الضحية راجعة كل ليلة من القهوة اللي خدامة فيها، وليلة الأحد (25 فبراير)، قرر أن يعاكسها. “الغارسونة” سايرت الجاني في كلمات الغزل ووافقت أن تمضي معه ليلة حمراء ماجنة، حسب مصدر موقع “كيفاش”.
الفتاة، القادمة من نواحي بني ملال، قبلت الذهاب مع “مول الديطاي” إلى المنزل الذي يسكنه في درب كويبينة، وحين رفضت تدخين الجوان مع الجاني، كلمة مني كلمة منك، معيورة مني معيورة منك، تشادات القتيلة مع القاتل وغلباتو بفضل البنية الجسمانية ديالها القوية قبل ما يطيحها ويخنقها بصمطة لقاها حداه.
بعد تنفيذ الجريمة، أخرج المتهم جثة القتيلة، من بعد ما لواها فمانطة وهزها فكروسة قبل ما يرميها قرب مركب تجاري. الجاني عاود مثل الجريمة ديالو بأدق التفاصيل ديالها، صباح اليوم الثلاثاء (26 فبراير)، تحت مراقبة مكثفة من طرف عناصر الشرطة القضائية لأمن البرنوصي وبحضور حشد غفير من سكان الحي.
