تحدث المدرب بوشعيب المباركي في حوار خاص مع “ميد راديو” عن تواجد العديد من الأشخاص في مواقع التواصل الاجتماعي، يحللون مباريات البطولة الوطنية ويتدخلون في اختصاصات المدربين والمسؤولين بدون صفة أو دبلوم تدريب.
و قال المباركي في الحوار: “فمواقع التواصل الاجتماعي ولاو عندنا الفهايمية بزاف فالكرة، وتيبغيو يفهمو داكشي اللي كيقول ليهم دماغهم ولاو كيتدخلو فالمسائل التقنية كلشي ولا كيفهم، ولاو كيفهمو حتى فاللياقة البدنية.. راه ماشي بمعنى كيفهمو بصح راه كاين ناس كتتدخل فالاختصاص ديال المسؤولين والمدرب”.
مضيفا: “أنا راه وليت كنشوف الناس كتفتح قنوات وتدير تلفازة وراهم وكيبدا يقول هذا خاص يعطيها لهذا، ولكن غتهزو تجيبو للتيران تقوليه دير حصة تدريبية راه حاجة أخرى، يمكن يهرب”.
وختم المباركي حديثه: “من حقهم الغلط ماشي ديالهم الغلط من الناس اللي متبعينهم، الناس منين كتمشي تدير دبلوم راه كتدوز بين عام وست أشهر لعام ديال التكوين، وكيجي واحد كيدير تلفازة وراه وكيبدا يسلخ فاللعابة، من حقه يدير داكشي ولكن المشكل الناس كتيق داكشي، وكيجيبو لقطات ديال اللاعبين كيديرو أخطاء داكشي كاين حتى فأوروبا، المستوى ديالهم طالع ولكن راه كيديرو نفس الأخطاء اللي كيديروهم لاعبين فالبطولة”.
