كيفاش
عبد الإله بنكيران، رئيس الحكومة، تعصب عاوتاني. كيفاش؟
بنكيران، في جلسة المساءلة الشهرية في مجلس النواب، اليوم الاثنين (11 فبراير)، خرج عينيه فالمعارضة، وهو يرد على تدخلاتها بخصوص ارتفاع الأسعار، قائلا: “واش كانت الزيادة فالسكر؟ واش كانت زيادة فالبوطا؟ واش كانت زيادة فليصانص؟”، مضيفا: “حتى لوقتاش تبقاو تبكيو على هاد الزيادة، المغاربة قبلوها مني”، وهو يقصد الزيادة في ثمن المحروقات.
بنكيران ساءل البرلمانيين: “قولو لي شنو بغيتيو؟ بغيتو تغرقو البلاد باش تكونو فرحانين؟ وتقولو للناس حنا مزيانين معاكم؟”.
بنكيران دعا إلى مساءلته حول الفقر وهو يقول: “واش عبد الإله بنكيران هو اللي دارو؟ هادي عام اللي ترأس الحكومة؟ ما يمكنش”.
بنكيران خلى البرلمانيين ومشى يخاطب المغاربة قائلا: “ردو البال، مقصودهم يخسرو ليكم هاد التجربة الحكومية الناجحة، ردو البال يا خوتي المغاربة”.
بنكيران استفاض في الحديث عن مشروع إصلاح المقاصة، مؤكدا أنه سيتم التشاور حول الموضوع، ملمحا إلى أن تعويض الأسر الفقيرة سيتراوح ما بين 400 و800 درهم، مؤكدا أن مشروع الإصلاح سيتم بالتدريج حتى لا يشعر المواطن البسيط بذلك، مضيفا أن ثمن البوطاكاز لن يتغير حاليا، وأن الدولة ستواصل تحمل الفارق.
بنكيران قال أيضا إنه يتألم لأن حزبه اتهم بالبحث عن أصوات الناخبين مقابل إصلاح نظام المقاصة، متسائلا: “واش نطيروها للناس كاملين باش حتى واحد ما يصوت علينا؟”، داعيا السياسيين إلى الاتزان، قائلا: “ما يمكنش الإنسان يبقى غير كيشير”.
