وجه الحارس المهدي بنعبيد، رسالة شكر إلى الناخب الوطني وليد الركراكي، على ثقته به واستدعائه للمشاركة رفقة المنتخب الوطني المغربي في كأس أمم إفريقيا، مشيرا في الوقت ذاته إلى أن “التواجد مع أسماء بحال ياسين بونو ومنير المحمدي بحد ذاتو حاجة مزيانة”.
وقال بنعبيد خلال الندوة الصحافية التي عقدها رفقة الركراكي، زوال اليوم السبت (20 يناير)، “التواجد مع أسماء بحال ياسين بونو ومنير المحمدي بحد ذاتو حاجة مزيانة لحارس بحالي كيطمح واحد النهار يكون حارس رسمي للمنتخب”.
وأضاف “في كل سطاج كندوز معهم كنتعلم بزاف دالحوايج، هادي أول مسابقة رسمية غندوز مع المنتخب الاول، بالنسبة ليا تجربة كبيرة نعيش هاد الأجواء باش نستفاد منها مستقبلا”.
وتابع “شرف ليا نكون مع الأسود، وكاين حراس بزاف اللي يستاهلو يكونو فالمنتخب، ولكن هذا اختيار ديال المدرب وأنا كنشكرو على الثقة الكبيرة اللي دار فيا”.
وبخصوص المقابلة المقبلة للمنتخب الوطني أمام الكونغو الديموقراطية، قال بنعبيد “الحمد لله الفوز الاول كان مهم، وغيخلينا ناخذو المباراة المقبلة بأريحية أكثر وعطانا واحد الحافز باش نتيقو فراسنا أكثر، كيف قال الركراكي الماتش اللي داز نسيناه، وعندنا ماتش غدا كنوجدو ليه مية فالمئة باش نحققو فيه انتصار يكون هو الثاني على التوالي”.
