رد رئيس جماعة القصر الكبير، محمد السيمو، على الانتقادات التي طالت الاستقبال الذي خصصه للاعب الدولي أشرف حكيمي.
ورفض السيمو وصف الأجواء التي مر فيها الاستقبال بـ”الفوضى”، قائلا: “هاديك ما سميتهاش فوضى هداك عرس كانت فيه العفوية”.
وكشف السيمو، خلال استضافته في حلقة برنامج “بدون لغة خشب”، اليوم الجمعة (20 يناير)، على إذاعة “ميد راديو”، تفاصيل برمجة زيارة حكيمي إلى القصر الكبير.
مشروع حكيمي في القصر الكبير
وقال السيمو: “بديت كنتبعو من كأس إفريقيا فاش قال كنسلم على القصر الكبير، الأم ديالو من القصر الكبير، وتواصلت معاها وجات عندي للدار، وقلت ليها حكيمي خاص يجي عندنا للقصر، وعطاتني رقم مدير أعمالو وتواصلنا معاه، وحددنا معاه موعد وما أعلن عليه حتى لثلاثة أيام قبل الاستقبال عاد ودرتها فلاباج ديال الجماعة”.
وكشف رئيس جماعة القصر الكبير أن حميمي يعتزم القيام بمشروع لفائدة سكان الجماعة، موردا: “غندير أنا وياه باش نمشي عندو لمدريد، باغي يدير شي مشروع فالقصر الكبير، غادي ندي ليه 4 مشاريع يختارو فيهم، من بينهم بحيرة ومسبح أولمبي، ومدرسة للفلاحة، ومشروع اجتماعي للنساء، الموفقة المبدئية كاينة خاصنا غير نتافقو إينا مشروع غيدير”.
مصاريف الاستقبال
وردا على سؤال حول ما إذا كانت الجماعة من تكلف بتغطية مصاريف زيارة حكيمي، قال السيمو: “حنا تكلفنا بالتنقل من المطار للمدينة، والغداء اللي تقام 80 ألف درهم تكلفو به شي ناس، والجماعة خلصات اللافتات والعمال اللي شتغلو، كلشي خدم داك النهار إلا أعداء النجاح”.
وأضاف ضيف “بدون لغة خشب” متحدثا عن يوم استقبال حكيمي: “ملي جلس وتكبو عليه دوك الدراري وشي كيقوليه نتصور معاك وشي كيقوليه وقع ليا، بان ليا بحال يلا ما فهم والو، ومشيت قلت ليه هنا كلشي كيغيك، اليوم بوينو بوينو، وعطيتو جلابة، وغنصيفط جلابة حتى لمبابي”.
السياسة درناها وسالينا
ورفض البرلماني عن حزب التجمع الوطني للأحرار اتهمه بـ”الاستغلال السياسي” لإنجاز المنتخب الوطني في مونديال قطر.
وقال السيمو: “السياسة درناها وسالينا، داك الشي درناه على ود الإشعاع ديال بلادنا، وقناة ألمانيا قالت باللي فغوغل الناس كيقلبو على القصر الكبير… أنا رجل بدوي مستويا محدود ثقافيا ونتوما الناس فالإعلام ما كتحملوش اللي يزاحمكم فالاعلام والسياسية… أنا دخلت التاريخ من بابه الواسع ماشي بالبيصارة، ولكن بالاشعاع ديال المدينة”.
