مداخلة وصفت ب”القوية”، تلك التي تقدم بها البرلماني عن إقليم شيشاوة هشام المهاجري، أمام وزير الصحة، أول أمس الخميس (17 شتنبر)، في لجنة القطاعات الإجتماعية، في مجلس النواب.
البرلماني عن فريق الأصالة والمعاصرة، استعرض في مداخلته حقائق وأرقام صادمة همت الصفقات العمومية المتعلقة بشراء الأدوية بأثمان خيالية، متحدثا عن هوامش ربح شركات الأدوية التي تصل أحيانا إلى أضعاف مضاعفة من ثمن الدواء الحقيقي.
ووصف المهاجري الأموال العامة التي تستفيد منها بعض الشركات بـ”البقرة الحلوب”.
وقال البرلماني: “نقدرو نحاسبوك على تدبير جائحة كورونا ولكن تدبير قطاع الصحة بصفة عامة مازال عليه الوقت، معرجا على موضوع الصفقات التفاوضية، مخاطبا الوزير بالقول: “لقيتي نقص 20 فالمائة فالصفقات التفاوضية اللي كلفت 150 مليار وهادا اعترافك ومسجل فاللجنة، ما يعني ضياع 120 مليار سنتيم، وقلب عليها فين كانت كتمشي”.
وأضاف: “كيتخيطو الصفقات ويتقادو، والصفقات التفاوضية غير تخاصمو عليه هادو موالين الشي وشي كيشن هنا وشي كيشحن لهيه”.
وتابع المهاجري موجها خالد آيت الطالب: “السيد الوزير ما كنحملكش المسؤولية، أنا كلامي موجه لبعض الناس عندك فالوزارة، هادي فلوس اللي كتتحلب من الميزانية العام… آرا الفلوس اللي كتتحلب من فلوس الشعب مباشرة، اليوم علنتي على صفقة باش تشريو الدواء، كابن الدواء اللي داير ليه 4 دراهم و80 فرانك وعاطياه للشركة تبعو للمواطن ب100 درهم!”.
وزاد المتحدث: “هادي راه فلوس غليظة عليا وعليك آ السيد الوزير، هادي راه واحد البقرة كيحلبوها واحد 30 ولا 40 شركة كبر مني وكبر منك، هاد الشي محال تقد عليه لا أنت لا أنا… ملف كبير هادا آ السيد الوزير وإيلا عندك جرأة ودخلتي فهاد الناس، شابو ليك، لأن هاد الشي فيه ملايير كثيرة كلها من جيب المواطن، وكون تهزات هاد الفلوس وتستتمرات فقطاع الصحة كون لقيناهم اليوم”.
