جمال الرياضي
“عطيوني الفيزا والباسبور … من كازا لجنوب إفريقيا”، هاذ الأغنية ديال الستاتي غناوها، اليوم الأربعاء (2 يناير)، جوج لعابة من المنتخب الوطني. كيفاش؟
المهدي النملي، لاعب المغرب التطواني، وعبد اللطيف نوصير، لاعب المغرب الفاسي، ما مشاوش مع المنتخب الوطني لفرنسا بسبب أخطاء إدارية خلاتهم بلا فيزا وبلا باسبور. مصدر مسؤول في الجامعة أكد لموقع “كيفاش” أن النملي ونوصير ما خداوش الفيزا باش يدخلوا لفرنسا لأن النملي لقى الباسبور ديالو قرب يسالي وبقات فيه غير 3 أشهر ونص، وخصو يجددو باش ياخد الفيزا، أما نوصير فالفيزا ديالو مازال ما وجداتش لأن الجامعة طلباتها بشكل متأخر بعدما استدعاه الطاوسي بشكل طارئ لتعويض الغياب الاضطراري ديال يونس بلخضر.
إيوا آش هاذ الارتجالية؟
