بعد توقف استمر لشهور، استرجعت المحطة الطرقية باب دكالة في مراكش، النشاط ديالها، وسط إجراءات احترازية ووقائية من كوفيد 19.
وكتطلّب الوضعية الوبائية الحالية، تعقيم الحافلات، والممرات والتنظيم ديالها، خصوصا فمداخل ومخارج المحطة، هاد العملية، اللي كتشرف عليها السلطات، من قائد وأعوان ديالو، إلى القوات مساعدة ورجال الشرطة، وأيضا المشرفين على الأمن الخاص.
فالزيارة ديالنا للمحطة الطرقية باب دكالة، لاحظنا حضور مكثف للمسافرين، ولمختلف العاملين وسط منها، أما تعقيم حافلات المسافرين فهو ضروري، وهاد العملية كتقابلها شركة مفوض لها.
هشام بوتوش مقاول فمجال التعقيم داخل المحطة الطرقية باب دكالة في مراكش، قال باللي “العمل ديالهوم فالمحطة مهم جدا، وحتى فمواقع أخرى فالمدينة الحمرا، حيت كيساهمو فعملية التنظيف والتعقيم، للحافلات وحتى فأماكن أخرى”.
دور مهم، كيضيف المسؤول على التعقيم، “باش الجائحة ما تسيطرش على المحطة والمدينة، وباش تمشي الأمور كلها مزيان فمحاربة الوباء”.
بلا شك أن التعقيم ضروري، ووسيلة من الوسائل اللي ممكن تخلي المحطات الطرقية، فالمملكة ماتنشرش العدوى، وباش تكون إجراءات التخفيف وسيلة لتحقيق انسيابية أكبر فمناطق بدات الوضعية الوبائية فيها كاتحسّن، وباش مدينة مراكش، باعتبارها مدينة سياسية، يرجع ليها الإشعاع السياحي ديالها، على الأقل بالسياحة الداخلية.
ونستبشرو خير، بعد الرحلات اللي استقبلها مؤخرا، مطار لمنارة الدولي فمراكش، ومطار أكادير..
التفاصيل في رابط هذا الفيديو:
