جدد الناطق الرسمي باسم الحكومة مصطفى بايتاس، التأكيد على أن الحكومة
“لا تقتطع شيئا من الدعم الاجتماعي المباشر”.
وقال بايتاس، خلال استضافته ليلة اليوم الأربعاء (17 يناير)، في برنامج “مع الرمضاني” على القناة الثانية “دوزيم”، “الاقتطاع هاداك غير فيك نيوز على مواقع التواصل الاجتماعي، والتغطية الصحية ما مرتبطاش بالدعم الاجتماعي”.
وأضاف الوزير: “الاقتطاعات اللي كاينة هي الاقتطاع ما بين 5 ولا 7 دراهم كيقتطعوها بعض المؤسسات البنكية، أما الحكومة ما كتقطتع والو، بالعكس راه المواطنين خاصنا نعطيوهم ماشي نقتطعو ليهم”.
وتابع المتحدث: “إيلا غنقولوا راه هاد الحكومة دارت غير الدعم الاجتماعي المباشر هاد الشي كافينا، لأنه ملايين المغاربة اللي غيستفدو، وكنشرو جلالة الملك اللي دار هاد البرنامج، والحكومة اللي نزلات البرنامج وفعلاتو فالوقت اللي لتزمت به”.
وأشار بايتاس إلى أنه خلال الشهر الماضي، تم صرف نص مليار درهم للدعم الاجتماعي، “واستفدت أسر كثيرة جدا، وتم التوصل ب3 ملايين طلب”.
وقال الناطق الرسمي باسم الحكومة: “هادي بداية مهمة جدا، والحكومة عبأت إمكانيات كبيرة جدا، واللي كيستحق هاد الدعم راه غيستفد، هاد الشي راه ماشي المزاح، الحكومة دارت الشفافية فهاد الدعم الاجتماعي والتغطية الصحية”.
واعتبر بايتاس أن اتهام الحكومة باستغلال المعطيات الشخصية “لا يستقيم”، معلقا على ما يروج في هذا الشأن بالقول: “راه الكرش الشبعانة عمرها حسات بالكرش الجيعانة”.
وأضاف: “رئيس الحكومة هو الذي يشرف حالياعلى هاد المشروع، اللي كان مدروس، وعرفنا شكون الناس المستحقين بناء على معايير ومراسيم… أنا ولد العالم القروي وولد مدينة نائية والمغاربة كيشكرو الملك”.
