اعتبر أحمد البواري، وزير الفلاحة والصيد البحري والتنمية القروية والمياه والغابات، أن الفلاحة في المارب هي ضحية الجفاف وليست من تسبب في الجفاف.
وقال البواري، خلال استضافته في برنامج “بدون لغة خشب”، اليوم الجمعة (18 أبريل)، على إذاعة “ميد راديو”، “كيقولوا الفلاحة كتستنزف الما والفلاحة هي سبب الجفاف، ولكن الفلاحة هي الضحية الأولى ديال الجفاف، هادي أولا، وكيقولوا كنصدرو الماء، الفلاحة كتصدر سنويا 500 مليون متر مكعب، وكنستوردوا 9 دالمليار متر مكعب فالسنة، والمساحة ديال الفلاحة والزراعات اللي كنصدرو تساوي 1 فالمية من مساحة الفلاحة على الصعيد الوطني، هاد 1 فالمية كتشكل 5 فالمية من المساحة المسقية على الصعيد الوطني، وهاد 5 فالمية كتستهلك فقط 5 فالمية من حجم الماء اللي كيمشي للفلاحة، يعني فالأقصى كنصدرو 500 مليون متر مكعب سنويا”.
وتتوزع صادرات المغرب في هذا الشق، حسب الوزير، بين الطماطم والفلفل والأفاكادو والتوت الأحمر والبطيخ الاحمر، أما الصادارت من الماء، التي تصل قبمتها إلى 9 مليارات متر مكعب، ففي مقدمتها يقول الوزير، “60 إلى 70 مليون قنطار من الحبوب، وباش ننتج هاد الكمية من الحبوب عندي فالمغرب غتخصنا 8 دالمليار متر مكعب ديال الما، اللي ماعندناش”.
وشدد الوزير على أن: “الماء ديال الفلاحة خاصو يبقى للفلاحة والماء ديال الشرب يبقى للشرب، لأن الفلاحة ديالنا هي ضحية ديال أنه ما كانوش استثمارات ديال ماء الشروب فوقتها، لأن الماء اللي كاين فالسدود الفلاحية كيمشي لماء الشرب”.
وتساءل المسؤول الحكومي: “هل يعقل أن الدار البيضاء كتشرب من الماء ديال سد المسيرة ديال الفلاحة اللي خاصو يمشي لدكالة؟ يعني قطعنا الماء على الفلاحة باش الناس تشرب لأنه كاينة أولوية”.
وتابع المتحدث: حنا فالحكومة بالتعاون مع وزارة التجهيز والماء والداخلية ارتأينا أن جميع المدن الساحلية في المغرب خاصها تتزود بالماء الشروب من ماء تحلية مياه البحر”.
