اعتبرت فاطمة الزهراء المنصوري، المنسقة الوطنية للأمانة العامة الجماعية لحزب الأصالة والمعاصرة، أن خروج احتجاجات “جيل Z”، هي دليل على فشل الحكومة في الاستجابة لانتظارات المواطنين.
وقالت المنصوري، ضمن كلمتها في الاجتماع الذي عقدته القيادة الجماعية لحزب الأصالة والمعاصرة، مع المكتب التنفيذي لمنظمة شبيبة الحزب، أمس الثلاثاء (30 شتنبر)، “ما تنقولوش نجحنا، كون نجحنا ما غنسمعوش اليوم هاد الأصوات فالشارع وفالمواقع الاجتماعية، كون هاد الغضب ما غاديش يبقى، ولكن نجحنا فبعض المحطات وبلادنا نجحات فمحطات”.
وأضافت المنصوري: “أنا مدبرة شأن عام ويوميا عندنا مطالب مرتبطة بالصحة، وعرفنا بأن المغاربة كيعانيو من هاد القطاع، واش الحكومة هي السبب، لا أظن، راه السبيطار كنعرفوه، السبيطار ديال السبعينات ماشي هو ديال دابا، حنا كبرنا ما كنعرفو كاع CHU، كاينة إشكالية ديال الموارد البشرية، وما كاينش شي بلاد اليوم لا تعاني العجز ديال الأطباء، كاين وقع مر، دابا عندنا نقص ديال 30 ألف طبيب”.
وتابعت المتحدثة: “واش هاد العجز حنا كحكومة خاصنا نخرجو نكدبو على المغاربة ونقولو ليهم غدا انحلو ليكم مشكل الصحة؟ أنا ما يمكنش ليا، ما عمري كدبت على المغاربة وما نكدبش عليهم، وإيلا خاصني نخرج من الحكومة نخرج وما نكدبش على المغاربة، 30 ألف طبيب ما غاديش نقدرو نحققوها فعام ولا عامين، وما يمكنش لهاد الحكومة تحققها لا فهاد 4 سنين اللي دازت ولا فهاد العام اللي جاية، هاد الشيك يطلب الوقت”.
وقالت المنسقة الوطنية للأمانة العامة الجماعية لحزب الأصالة والمعاصرة: “واش الصحة باقي فيها مشكل؟، اه باقي فيها مشكل، واش حنا كحومة واعين باللي كاين مشكل؟، اه واعين باللي كاين مشكل، والدليل هو مجموعة من القوانين والمراسيم اللي دازو، وسيدنا كان ديما كينادي بالقطاعات الاجتماعية كالتعليم والصحة”.
وتساءلت المنصوريّ مخاطبة شباب حزبها: “فين فشلنا باش ما نقنعوش هاد الشباب الآخرين اللي غاضبين وقدرنا نقنعوكم نتوما؟”.
وأشارت إلى “وجود لوبي عندو مصالح شخصية بغى يوسخ اللي عندو مصداقية فهاد البلاد باش ما يخليو باقي حتى أمل، أنا عشت حملات عليا كنقولو هاد الشي منين خارج ما عندو حتى علاقة بالواقعذ، وكنتحد أي واحد يجيو ويفتحو تحقيق هاهي يالثروة ديالي موجودة وايلا لقاو شي حاجة يديوني أمام المحاكم، والناس بحالي كاينين فهاد البلاد..”.
وزادت المنصوري: “ما نخليوش الناس يوسخو لينا عقلنا ويشككونا فبعضياتنا قوتنا هي التضامن بيناتنا كمغاربة، قوتنا هي اليد فاليد، قوتنا هي ديك الطريقة باش تعامل مع ضحايا الزلزال، قوتنا فأننا نهضرو مع بعضياتنا ونسمعو بعضايتنا ونعترفو بأنه كاين مشاكل ونحلوها جميع ماشي نوليو أعداء”.
