بقلم: نجيكم نيشان
البارح طلقو الخط باش المغاربة يرجعو يدويو فسكايب وواتساب وفايس بوك غير بالأنترنت، بعدما كانت شركات الاتصال حبسات التعياط على بنادم من الأول ديال العام.
قالو باللي طلقو المكالمات غير حيت كاين كوب 22 في مراكش، هو هاد الخبر بصح كيقلّق، علاه زعما حنا ما عليناش الله يطلقو لينا التعياط باش نبقاو نصدعو بعضيتنا في العامرة والخاوية؟
المشكل في القضية كاملة ماشي طلقو ولا ما طلقوش، المشكل كبر. شي وليدات ناضو قال ليك يديرو حملة ويستعملو هاشتاغ “#كوب 22” يقولو للعالم راه حابسين علينا التعياط وحرية التعبير وما إلى ذلك…
واش هاد الوليدات عندهم شي عقل؟ واش أوباما باباه كامل جاي وبوتين وعدد من الرؤساء وهادو باغيين يوسخو صورة البلاد؟
معقول الواحد يحتج ويغوت، ولكن ماشي معقول الواحد يستغل هاد المؤتمر العالمي باش يضرب البلاد بهاد الطريقة الخيبة.
يهديكم الله واش عارفين آش غادي ديرو؟