محمد الإدريسي (مراكش)
اللي حضرو الماتش ديال الكوكب المراكشي ويوسفية برشيد، أمس الأحد (9 دجنبر)، في الملعب الكبير ديال مدينة البهجة، خرج كيترحم على الرياضة فهاذ البلاد بسبب ما شافوه من حويجات لا أخلاقية لرئيس اليوسفية نورالدين البيضي، من بعد الماتش.
الرجل اللي كيشغل عضو جامعي، على ما قالو ومدرب في نفس الوقت، ولاو فيه عشرة ديال الناس، وهو كيسب بشي سبان الله يستر والسلام وكيتلفظ بكلمات كلها تهديد ووعيد. الرئيس حلف على بهجاوة جتى يجيو عندو لبرشيد ويشوفو، ولكن منين سولنا البيضي على سبب هاذ الحيحة قال بأن السبب هو الفرحة الزايدة اللي فرحو الناس ديال الكوكب من بعد الماتش، واللي استفزاتو هو شخصيا.
على هاذ القيبال اللي ربح ما يبقا يفرح ولا تخلا دار بوه، المهم الصورة اللي رسم رئيس اليوسفية ضربات فالعمق صورة المسير المغربي في زمن الانحراف، زعما زمن الاحتراف، وبينات الأسباب الحقيقية وراء شغب الملاعب اللي كنلصقوه دائما فالجماهير مسكينة.
