من بعد ما دارو شي نشطاء على موقع الفايس بوك هاشتاغ “#هضر_أصاحبي”، باش يقولو فيه لرئيس الحكومة ما يبقاش ساكت، سعد الدين العثماني خرج كيقول باللي هو ما ساكتش وباللي دار فهاد 4 شهور اللي دازت بزاف ديال الحوارات واللقاءات الصحافية.
رئيس الحكومة، قال في حوار مصور مع “موقع 360″، “كاين اللي كيقول ما كنتواصلش بزاف وكاين اللي كيقول بزاف هاد الشي خاصكم تخدمو كثر ما تواصلو”.
وأضاف العثماني: “حنا درنا شعار في الحكومة وعلناه أثناء عرض الحصيلة، وهو أننا حكومة الإنصات والإنجاز”، مردفا: “غنديرو مجموعة من الخطوات باش نصلحو مجموعة من الأمور فتدبير الشأن العام، فالأمور اللي هي حيوية بالنسبة لمعيشة المواطن، والأمور اللي هي مهمة للمقاولة والمستثمر وللبلاد عموما، وأظن أن هاد أبلغ كلام ممكن يوصل للمواطن مباشرة”.