برّر رشيد الطاوسي، مدرب فريق الرجاء الرياضي، سبب الهزيمة التي مني بها فريقه يوم أمس الأحد (15 ماي)، أمام مضيفه سريع وادي زم، برسم الجولة الـ24 من البطولة الاحترافية القسم الأول، بالعامل النفسي.
وقال الطاوسي في تصريحات صحافية عقب المباراة التي انتهت بفوز سريع وادي زم بهدف دون رد، “جينا بنية أننا نحققو نتيجة إيجابية ونبقاو غادين فسلسلة الانتصارات اللي حققنا بالرغم من عدة إكراهات وهاد الإكراهات تحديناها بشكل كثير”.
وأضاف “فمجال كرة القدم خاص دائما تكون عندك روح رياضية، ولكن ملي البوادر كتولي غادا فمجرى ضد العمل اللي كتقوم به فرا كتجي واحد الوقت اللي الإنسان ما كيبقاش ثابت وشاد فالأمور، وحنا كنعرفو أن التركيبة البشرية عندنا الأغلبية ديالهم لاعبين صغار في السن”.
وتابع “اللاعب ملي كيولي يسمع فواليديه كيتسبو كل مرة را هادي ما بقاتش كرة، واللاعب ملي كيبقى يسمع فهاد الشي كيبدى يخطأ وحتى الرجلين كيتقالو”.
وشدد الطاوسي على أن “اللاعبين را كيتسألو كيفاش كنلعبو وكنربحو وكنتسبو فنفس الوقت؟، فهاد الشي را من الأسباب اللي كيخليونا نخسرو”.
يذكر أن فريق الرجاء الرياضي انهزم، يوم أمس الأحد، بهدف دون رد، أمام سريع وادي زم، في المباراة التي جمعتهما على أرضية ملعب الفوسفاط بخريبكة، برسم الدورة الـ24 من البطولة الوطنية الاحترافية.
