هاد الهوس ديال اللايكات والفلوغات على مواقع التواصل الاجتماعي ما بقاش عندو حدود ولا شروط، ويقدر يكون حتى على حساب حياة المقربين. كيفاش؟
بنت نشرات فإنستغرام فيديو قصير مع ختها الصغيرة في البحر، واللي دخلات لبلاصة غارقة ما قدراتش تعوم فيها، وفالوقت اللي كانت كتغوت على ختها الكبيرة تعتقها، هاد الأخيرة استغلت الفرصة باش دير فيديو يدير البوز، ويطلع فالـ”تراند”، وبدات كتهضر على أساس أنها ما غاديش تعتقها كنوع من العقاب.
ممكن تكون هاد الطريقة مجدية باش تخلعها ما تعاودش تدخل للبحر، ولكن هاد الهوس الإلكتروني رجع ما كيخليش شي وحدين يفرقو بين المسائل الجدية وبين الأمور ديال التسلية.
