شدد أحمد رضا الشامي، رئيس المجلس الاقتصادي والاجتماعي والبيئي، وعضو الاتحاد الاشتراكي، على ضرورة تقوية الأحزاب السياسية وانفتاحها.
وقال الشامي، خلال استضافته في برنامج “بدون لغة خشب”، على إذاعة “ميد راديو”، “ما يمكنش غدا نرجعو للوراء، درنا اختيار ديمقراطي درنا المنهجية الديمقراطية، خاص الأحزاب تتقوى خاصها تنفتح كاين اللي بدا وكاين اللي باقي”.
وعن وضعه داخل حزب الاتحاد الاشتراكي، قال الشامي: “أنا عمري خرجت من الاتحاد… أنا كنآمن بأن الأشياء خاص تكون تدريجيا، خديت قرار باش نخرج من المكتب السياسي حيت فكرت فداك الوقت أن داك المشروع اللي كانوا كيدافعو عليه الإخوان ماشي نفس التوجه اللي بغيت، وباش ما نضيقهومش خليتهم وخرجت فحالي”.
وتابع: “دابا المسطرة ما كتمكنش من أنني نرجع للمكتب حيت كيكون التصويت على الهياكل فالمؤتمر، وها هو المؤتمر جاي، وباش نرجع خاص يكون مشروع اللي كنلقى فيه راسي ومستعد نساهم فيه”.
وعن إمكانية ترشحه لقيادة الحزب، قال المتحدث: “الترشح للقيادة، إيلا كانت غدا الإمكانيات متوفرة، منها وجود مشروع مبني وكنلقى فيه راسي وبناوه مناضلي الحزب، وكيستجب لتطلعات المواطنين، ما عندي حتى مشكل فالترشح”.
وحول رأيه في الوضعية الحالية التي يعيشها حزب الوردة، قال الشامي: “ما يمكن شي اتحادي مناضل يعجبو وضع الحزب الحالي”.
