تحدث الناخب الوطني وليد الركراكي عن صعوبة مباريات كأس أمم إفريقيا، مشددا على أن “حتى فرقة ما ساهلة”.
وقال الركراكي خلال الندوة الصحافي التي يعقدها في هذه الأثناء، والتي تسبق مباراة تنزانيا، إنه “من الحظ ديالنا غنلعبو من اللخرين، يعني شفنا النتائج ديال الماتشات لاخرين وهادي غتعاوننا باش نفيقو الدراري وحتا الجمهور ديالنا، باش ما يحسابش ليهم بلي هاد الكأس غتكون ساهلة”.
وأضاف “ماشي حيت جينا فالمونديال حنا الرابعين عالميا غندخلو للتيران ونجيبوها، بالعكس القضية صعيبة”.
وتابع “حنا الحمد لله عندنا الثقة فراسنا، وباش دخل للماتشات وتجيب نتائج إيجابية في كاع الماتشات خاص تكون واجد 100 فالمية”.
وواصل حديثه بالقول “فالكروب ديالنا ولا فالمسابقة كاملة ما كاينش شي فرقة ساهلة، وأي فرقة عندها بلاصتها فهاد الكأس الإفريقية، وأنا من اللول كنهضر مع الدراري باش ما تكونش مفاجأة ضدنا”.