الجمهور ديال المغنية الشعبية زينة الداودية والصحافيين استفزهم وجود حراسة على فنانة كتقول أنها بنت الشعب، الشي اللي خلّى مولات أغنية “اعطيني صاكي” توضح فالندوة الصحافية، قبل من السهرة ديالها فموازين.
الداودية قالت إنها سبق وتعرضت لتهديد من قبل 4 أشخاص.
وأضافت زينة الداودية: “أول حاجة أنا ما كنفتخرش ولا كنبغي نبين العضلات ديالي، أنا عبدة ضعيفة، والاستعمال ديالي للبودي غارد جا من بعد واحد الحادث وقع ليا هادي 4 سنين، واللي غير اللطف الله”.
وتابعت: “هاد 4 الناس تبعوني فطوموبيل وكانو فحالة ماشي هي هاديك، ولكن الحمد الله اتصلت بخوتي اللي تلقاو ليا، الأمر اللي جعلني ندير الحراسة، حيت أنا قبل ما نكون فنانة أنا راه امرأة، وزيد هاد الشي أنا كنخدم فالليل”.
