خرج الحكم الدولي رضوان جيد، عن صمته لحسم حقيقة الأخبار المتداولة على مواقع التواصل الاجتماعي حول استبعاده من إدارة المباريات الإفريقية.
وفي اتصال مع موقع “ميد راديو”، نفى الحكم جيد الأخبار المتداولة، مشددا على أن “هاد الشي ما كاينش ولا أساس له من الصحة”.
وقال جيد “ولينا عايشين فالتخربيق والتفاهة غير اللي لقى شي حاجة في فايس بوك كيتيقها”.
وأضاف “التوقيف ولا الاستبعاد ولا التشطيب هاد الشي اللي كل واحد كيفاش كيسميه، را ما يمكنش الكاف يشطبو على شي حكم وما يديرو حتى بلاغ، هاد الشي ولى كيضحك”.
وتابع متسائلا “رضوان جيد ما لعبش الشومبيونا من شهر 12 وكدخل لفايس بوك كتلقاه عامر برضوان جيد علاش؟ آش دار هاد رضوان؟”.
وواصل جيد “تقدر تقلق عليا في ماتش، ما صفرتش ليك بينالتي، ولا غلطت فشي قرار، نقدر نتفهم الناس تقلقات وكتدوز واحد المرحلة وكيتنسى هاد الشي، ولكن حنا لا كنبقاو شادين فهداك الشخص بحال يلا ما عندو لا واليدين لا عائلة لا وليدات”.
وختم حديثه بالقول “هاد الشي ما كاينش وهاد الناس اللي كيروجو بحال هاد الأخبار الله يسمح ليهم”.
