اعتبر كريم التازي، عضو لجنة النموذج التنموي، أن الخطاب السائد على شبكات التواصل الاجتماعي، تسود عليه الشعبوية، ويركز على فقدان الثقة بين المواطن المغربي والمؤسسات.
وقال التازي، خلال لقاء نظمتها اللجنة، اليوم الخميس ( 17 شتنبر) في الرباط، مع عدد من المؤثرين على وسائل التواصل الاجتماعي، “الخطاب اللي كاين على مشكل الثروة فالبلاد هو خطاب على الثروة المادية، نجبدوها ونوزعها ونقسموها، مع العلم أن أغنى الدول ما بناتش الثروة ديالها على ثروة مادية”، معتبرا أن الثروة الحقيقة “هي اللي كيخلقوها المواطنين”.
وقال رجل الأعمال المغربي: “أعتقد أنه ملي الخطاب ديال المؤثرين فاش كيبقى يركز على هاد الشي كيغلط المجتمع عن المشكل الحقيقي”، مردفا “صحيح كاين حالات كثيرة لنهب الثروات ولكن ماشي هاد الشي اللي خلا المغرب هاكا، المشكل هو عدم نجاح الدولة في تكوين المغاربة ومنحهم دراسة للي تخليهم يكونو ثروة غير مادية”.
وتابع التازي في مداخلته: “إيلا ركزنا جميع مشاكل المغرب على النهب أعتقد هادا خطاب خطير جدا”، معتبرا أن “جميع المغاربة خاص يكون عندهم فهم سليم، لشنو كنعنيو بالثروة وكيفاش نوزعوها، إيلا جيتي قلتي ليا علاش ولاد النخبة كيقراو فمدارس البعثات وولاد الشعب ماعندهش التدريس الكافي اللي يخليهم يخلقو ثروة غير مادية، فهاد خطاب ممكن يسمح لنا فبناء نقاش، أما التقاش اللي مبني على نهب الثروات ما غيؤدي لا لإصلاح الحكامة ولا إلى المصالحة مع المغاربة”.
