علي أوحافي
“يلا شفتو هاد الحكومة تكونات بالاتحاد الاشتراكي أنا ماشي عبد الإله”، هو آخر ما صدر عن عبد الإله ابن كيران، رئيس الحكومة المعين، في حق حزب الاتحاد الاشتراكي للقوات الشعبية ومشاركته في الحكومة.
وقال ابن كيران، في كلمة ألقاها اليوم السبت (11 مارس)، أمام أعضاء حزبه في الملتقى الوطني الثاني لشباب المجال القروي، الذي تنظمه شبيبة المصباح، “أنا ما عندي مشكل مع الاتحاد الاشتراكي، كنعاودها ليكم، ماشي على الكلام اللي كيقول (لشكر)، ولكن وصلنا لكرامة شعب ومجتمع، قلتو الأغلبية ما كافايش بـ201 ولينا 220، دا الاتحاد البرلمان وا يحشم شوية”.
وأضاف رئيس الحكومة: “يوقف بلاد كاملة 5 أشهر باش يدي منصب أو زوج في هاد الظروف لا يمكن.. الشعب عطاني الساروت ما يمكنش شي واحد يدخلها بسباطو”.
وتحدث ابن كيران عن مشاورات تشكيل الحكومة، قائلا: “ما عوالينش نختالفو في تشكيل الحكومة، واحد الحزب كبرنا بيه وبقا كيعصر علينا ويطرح علينا الأسئلة ويقول لينا أشو البرنامج ديالكم، وفي وقت كنا كنستناو يردو علينا مشاو جوج ورجعو لينا بأربع أحزاب، قال ليك ندخلو بربعة ولا ما داخلينش آآآو آش طاري”.
وأضاف: “لأسباب أنا أعرفها، ما طلبها مني حد، تسنيت أخنوش، والعنصر صديق وأخ عزيز ما عرفت هاد ليام آش كيقول، كيجيب ليا الله ماشي لخاطرو، حتى هو خاص يجابني.. وقال السي عزيز أنه غادي يكون مع الاتحاد الدستوري فريق في البرلمان، قلت ما كاين مشكل والاتحاد الدستوري ما خرج معانا عيب”.
