عاد عبد الإله ابن كيران، الأمين العام السابق لحزب العدالة والتنمية، إلى مهاجمة حزب الأصالة والمعاصرة.
وقال ابن كيران، خلال استقباله مساء اليوم الأحد (14 أكتوبر)، لأعضاء اللجنة الوطنية لشبيبة الحزب، “حنا دافعنا على الحكومة والبلاد من الحزب اللي كان بغا يهيمن وكان فعلا غيخرب البلاد، والدليل ما وقع في المناطق اللي هيمن عليها”، في إشارة واضحة إلى الاحتجاجات التي عرفتها مدينة الحسيمة التي يسيرها البام.
وتابع ابن كيران متحدثا عن حزب الأصالة والمعاصرة: “ويلا كان شي واحد شعبي غيقول تابعاهم التابعة، واخا ما عترفينش شناهيا هاد التابعة، وفيما كانوا ياعوذ بالله ولا حاجة كتقاد”.
وزاد ابن كيران مهاجما حكيم بنشماش: “وهاد اللخر ديالهم اللي غيديرو فمجلس المستشارين، قال ليهم الفيلا شريتها بالفلوس اللي كيعطيني الملك، ما كيحشمش، أولا بعدا واش عطاه الملك يشري فيلا، ثانيا حتى لو عطاه خاصو يسكت، ولكن كاينة قلة الحياء”.
وأضاف: “سيدنا خاصنا نوقروه خاصو يبقا موقر سيدنا ماشي رئيس دولة جانا بالانتخابات سيدنا رئيس دولة وملك وأمير المؤمنين جا بالتاريخ والمحن والقرون، واش كتعتقدو أن المغاربة حومق اللي شادين فهاد العائلة أربعة قرون؟…الحفاظ على المغرب يقتضي الحفاظ على الملك وتوقير ملكيته، واخا شي سياسة ديالو ما تعجبناش ولكن كنتعاملو معاه بالاحترام والتوقير وما نمسوش الرمزية”.
