انتقد محمد أوزين، البرلماني وعضو المكتب السياسي لحزب الحركة الشعبية، الحكومة واصفا إياها بأنها “أضعف حكومة مرت في المغرب”، موضحا أن الأغلبية البرلمانية حصرت أدوارها في “التصفيق والتصويت”.
التواصل جزء من العمل
وقال أوزين، خلال استضافته في برنامج “بدون لغة خشب”، أمس الجمعة (15 يوليوز)، على إذاعة “ميد راديو”، منتقدا مستوى وزراء الحكومة الحالية: “الوزارء اللي عندنا اليوم كيبقاو حاصلين بين جوج ورقات، راه السيڤي حاجة والممارسة حاجة ثانية، الممارسة السياسية والوعي السياسي حاجة أخرى ويلا جمعتهم مزيان، أنا كنفضل سياسي يقدر يجاوبني، على تيكنقراط اللي ديما يغني خارج السرب”.
ورفض أوزين التبرير الذي اعتادت الحكومة تقديمه لصمتها، والقول إنها “حكومة العمل لا الكلام”، معتبرا أن “التواصل جزء من العمل، الله يشهد، والله يلا بغينا الحكومة تنجح ولكن راه ما عطياش لراسها مقومات النجاح، حنا فالأول كنا كنقولوا هادي دهشة البداية ولكن هاد الشي طول، وفيما يبغيو يصلحو شي حاجة كيعورو ليها العين”.
وقال ضيف “بدون لغة خشب” منتقدا الاغلبية البرلمانية: “كنتمنى شي نهار يقلبو علينا داك البرلمان وهوما كيدافعو على المشاكل ديال المغاربة ولا على المحروقات اللي حرقات جيوب المغاربة ولا على القفة المغاربة على الجفاف، هاد البرلمان كيتقلب إما وهوما كيتعرضو للمعارضة يعني ما كفاتهمش الكمامة ديال كورونا بغاو يديرو لينا كمامة الحكومة”.
والخطأ الثاني الذي تقترفه الأغلبية البرلمانية، يقول أوزين، “عمرنا شفناهم كيراقبو الحكومة، نساو باللي هوما سلطة رقابية خاص يراقبو الحكومة، كنشوفهم إما كيرافعو لصالح الحكومة ولا كيصفقو ليها”.
النيڤو طايح
وذكر البرلماني عن حزب “السنبلة” في هذا السياق بخرجة نائب برلماني عن حزب التجمع الوطني للأحرار، في جلسة بمجلس النواب، الذي حاول الدفاع عن موقف الحكومة أمام المعارضة وقال إن “البرنامج الحكومي صادق عليه جلالة الملك”.
وأوضح أوزين “البرلماني عوض أن يسائل الوزير أجاب على المعارضة!… هادي أغلبية عددية بصفر تكوين سياسي وبصفر وعي سياسي”، مضيفا: “درت نقط نظام ليتم سحب إقحام صاحب الجلالة اللي هو فوق الأحزاب، حنا كنناقشو معاه البرنامج الحكومي وهو كيقولي البرنامج ديال سيدنا”.
واعتبر أوزين أن “النيڤو فهاد الحكومة طايح، هادي أضعف حكومة فالمغرب، وحتى النقاش العمومي ما كاينش، أنا جيت اليوم للبرنامج لأن السياسيين خواو الساحة، السياسي راه خاص يهضر مع الناس، واليوم ما كاينش وعي سياسي ولا تأطير سياسي، اليوم كاين آلة انتخابية رقمية، راه يلا صوتو عليك الناس وحطو عليك التقليد راه خاصك تكون أنت فالواجهة، وهاد الشي راه والله يلا يحز فالنفس”.
الأغلبية آلة رقمية مروضة على التصويت
ودافع أوزين عن مهامه داخل البرلمان، موردا: “أنا اليوم كندير دوري الرقابي، راه حنا دابا اللي ولينا كنتعرضو للهجوم من طرف الحكومة، وكيقولوا لينا المعارضة أقلبية، ها نتوما أكثرية أش درتو؟”.
وتابع: “الأغلبية غلبتنا فحجة وحدة هي التصفيق، الحقيقة نقولها ما قدرناش عليهم فهادي”، مضيفا: “الأغلبية آلة رقمية مروضة على رفع اليد، أي على التصويت، ما شفناش منهم شي مباردة سياسة، كيديرو جوج د الحوايج التصفيق والتصويت، واش عمرك شفتي شي صراع نايض على المحروقات، هوما ما تشوفهمش كيهاجمو الحكومة فملفات حارقة وكيتبانو قضايا تهم المغاربة”.
