في أقل من 6 شهور، أنس “ركوم” قدر يجمع نصف مليون متابع على مواقع التواصل الاجتماعي، وكيلقبوه ب”أغنى شاب في المغرب”.
هاد الشاب الاسم الحقيقي ديالو أنس، من مواليد سنة 1994 فمدينة الدار البيضاء وبالضبط سباتة، تزاد في عائلة متوسطة الحال، وفي سنة 2007 مشى هو والعائلة ديالو لإيطاليا.
قرا في إيطاليا، ولكن ما خداش شي شهادة جامعية، وقرر يخرج للحياة ويخدم على راسو، وفظرف سنوات قليلة أنس رجع معروف ب”أنس الطالياني” كواحد من الشباب المغاربة اللي دايرين الفلوس.
وفي اتصال لموقع “كيفاش”، قال أنس ركوم باللي الثروة ديالو ماشي كلها من القمار.
وأضاف: “الثورة ديالي دابا بالملايير وعندي 4 طوموبيلات رياضية وعشرات الساعات السويسرية ‘رولكس’، وأنا خدام وعندي استثمارات كنديرهم، وماشي عايش بالقمار كيف كيقولو، أنا القمار دايرو هواية وكنربح فيه ولكن ماشي هو باش عايش”.
وتابع أنس: “الفيديوهات اللي كندير كنبغي نضحك ونشط مع المتابعين وأنا شخص مسالم ما فيا لا عياقة ولا مضاربات”.
