صباح الخير عليكم. إيوا كيف جيتكم فمجلس النواب؟ ههههه بردت ليكم القلب فشي وحدين ياك؟
والله العظيم، وما تسالوني حلوف، يلا شي بعضين كيعصبوني، وكيخليوني جاهل، وأنا أصلا معصب. واش أعباد الله فين ما كانت شي مصيبة فهاد البلاد باغيين يلصقوها في، بحال يلا أنا اللي شاد الحكومة هادي خمسين عام.
ولكن ما تخافوش، دابا اللي بغا العيب غادي يلقى العيب. أنا كنت كنصبر، وكندير الصواب، وكنقول ما كاين لاش ندير العديان بزاف، ولكن شي بعضين ما كيحشموش، وكيسحاب ليهم أنا ساهل.
هادوك صحابنا غالطين بالجهد. والله يجعل البركة فوليدي عبد الله بوانو. الدريري والله يلا صدق، واخا فيه المشاكل، ولكن كيبرد لي القلب فيهم. الحاجة اللي ما نقدرش نقولها كيلونصيها هو. خمسة وخميس عليه صافي.
وباش نكونو مفاهمين الخوت، من الآن فصاعدا، اللي جبدني يلقاني.
فهمتوني ولالا؟
