تستمر الشغيلة التعليمية في الاحتجاج على مضامين النظام الأساسي الذي صادق عليه المجلس الحكومي أكتوبر الماضي، بخوض إضراب وطني للأسبوع الخامس على التوالي لمدة ثلاثة أيام.
ونظم التنسيق الوطني لقطاع التعليم، صباح اليوم الأربعاء (22 نونبر)، وقفة احتجاجية أمام أكاديمية جهة الدار البيضاء سطات، مطالبين الحكومة والوزارة الوصية بالاستجابة إلى مطالبهم وإيجاد حل لمشاكلهم في أقرب الآجال.
وقال أستاذ في تصريح لموقع “كيفاش”، على هامش الوقفة الاحتجاجية المنظمة صباح اليوم الأربعاء، “حنا كنواصلو الخطوات النظالية في ظل تعنت الحكومة والوزارة الوصية، اللي ما زال لحد الساعة ما استاجبت للمطالب ديالنا اللي هي مشروعة وبالتالي كتزيد تكرس فالهدر المدرسي ديال التلاميذ”.
وأضاف “حنا مرغمين على التصعيد في ظل هاد السياسة ديال الآذان الصماء، وكنطالبو الوزارة ورئيس الحكومة يتسعجلو فإيجاد حل باش هاد الوليدات ما يتحرموش من هاد الحصص اللي ضاعو فيها”.
وعبر الأستاذ ذاته عن استعداده وزملائه في تعويض التلاميذ في الحصص التي حرموا منها، قائلا “حنا مستعدين نعوضو للتلاميذ فالحصص اللي فاتت، وحتى العطل ما عندناش مشكل نخدمو فيهم دون الاقتطاع من الأجور ديالنا، وحنا مستعدين من غدا نلتحقو بالأقسام يلا الحكومة فتحات حوار ولقات حل”.
وتابع “حنا ما كنتمناوش تكون سنة بيضاء لأنه ماشي الهدف ديالنا ولا الغاية ديالنا أننا نعرقلو سير مؤسسات الدولة، ولا نحرمو هاد الوليدات من الحصص ديالهم، حنا ما وصلنا لهدا الدرجة إلا أننا مرغمين”، مشيرا إلى أن “البداية ديال هاد الخطوات النضالية بدات بوقفة أمام البرلمان في عطلة ديال الصيف مباشرة من بعد ما تم التوقيع”.
ومن جهته، قال أستاذ أخر في تصريحه للموقع “المطالب ديالنا بسيطة جدا، عندنا المطلب اللول هو سحب النظام الأساسي ما كنقولوش تعديله، والمطلب الثاني اللي يجب القيام به هو حل الملفات العالقة ثم الزيادة في الأجور”.
وشدد على أن “هاد ثلاثة الحوايج يلا دارو إذن را تحل المشكل بنسبة كبيرة، ديك الساعة ممكن نجلسو في طاولة الحوار ونحلو المشاكل الأخرى بهدوء”.
وختم حديثه بالقول “الأمور كتحل بالعقل لأن الأمور يلا تطورت فغادي تتطور لما لا يحمد عقباه”.
