شنّ بعض أنصار فريق الرجاء البيضاوي، هجومات على رئيس فريق شباب المحمدية، هشام آيت منا، بعد سماعهم تصريح مرتضى منصور، رئيس فريق الزمالك المصري، الذي أكد أن آيت منا سيستضيف الوفد المصري حين حلوله في المملكة يوم 10 أكتوبر المقبل لمواجهة الفريق الأخضر لحساب نصف نهائي دوري أبطال إفريقيا.
وعبر آيت منا، في اتصال هاتفي مع موقع “كيفاش”، عن استغرابه من غضب أنصار الفريق الرجاوي.
وجاء في تعليق أحد الرجاويين “أ ليست مدينة المحمدية وشبابها أولى بالأموال التي ستصرف على فريق مصري؟… نادي الرجاء يلعب تحت راية المملكة المغربية ودعم طرف آخر ضد الرجاء هو خيانة للوطن”.
وكتب آخر “ايت منا باغي يستضف الزمالك ضد فالرجاء… فين هي الوطنية مخلي ولاد بلادك وباغي تشجع فرقة برانية”.
ومن جهته، رد آيت منا على أنصار الفريق الأخضر، قائلا: “أنا ما درت حتى حاجة متعمدة ضد الرجاء خاصة مع شي ناس عندي معاهم صفقة وكلشي عارف أنه يلا كانت عندك شي صفقة مع شي واحد وكتبيع وتشري را عادي تخرج معاه وتعشى معاه تعرض عليه ويعرض عليك”.
وأضاف “حنا كمغاربة معروفين بالكرم والضيافة وأنا كبرت بالناس وقلت ليهم غادي تشوفو فالمغرب داك الشي اللي عمركم ما شفتوه وحنا كنفتخرو بداك الشي ديالنا فبلادنا”.
وعن الاتهامات التي وجهها له بعض أنصار فريق الرجاء عن خيانته للوطن، قال آيت منا “خيانة الوطن كلمة كبيرة هما نيت الرجاويين استقبلو الترجي واستقبلو الزمالك واش كانوا خوانة؟ واش حنا عمر شي واحد فينا شك فالوطنية ديالو؟
واش هما فاش استقبلو الترجي في المطار واش شي واحد خرج كيقول ليك هاديك را خيانة؟… يلا بغاو الناس يستعملو هاد الشي لأغراض غير رياضية ما كاين باس يعريو وجهم ويقولوها”.
وواصل حديثه “الوطنية را ما كتكونش غير بالفم الوطنية را كاينة فالقلب وفالأفعال وأنا نتقبل أي تهمة إلا هادي والناس اللي كيعرفوني را عارفيني بعيد عليها بزاف والوطنية ديالي معروفة”.
وزاد آيت منا “خاص الواحد ما يزيدش فالصراع الرياضي حيت الصراع كاين وخاص الناس يكونو رياضيين ويتقبلو الصراع ماشي الخصم الرياضي يولي عدو… الخصم را كيبقى خصم را فالرياضة محتاجين للخصم وكيف ما كان الخصم قوي كل مل كان العطاء ديالك كبير را ملي كتكون شي فرقة ما بيهاش را ملي كتلعب مع الوداد ولا الرجاء را كتخرج واحد اللعب اللي ما عندهاش”.
وختم آيت منا حديثه “كنتمنى الرجاويين يراجعو التفكير ديالهم”.
