كشف الدولي المغربي آدم أزنو، عن تفاصيل استدعائه، أول مرة، للمنتخب الوطني المغربي، من أجل المشاركة في مواجهتي الغابون وليسوتو، معربا في الوقت ذاته عن سعادته بالتواجد رفقة “أسود الأطلس”.
وقال آزنو في تصريح للموقع الرسمي للجامعة الملكية المغربية لكرة القدم، “فاش علن المدرب الركراكي على اللائحة أنا كنت فالتداريب، حتى صيفط ليا الواليد والواليدة ميصاج وكانو فرحانين بزاف”.
وأضاف “أنا كنت باغي نكون معهم فالدار ونتفرجو كاملين فالإعلان ونشوفو سميتي ولكن ما كتابش”.
وأوضح نجم بايرن ميونخ “عندنا مجموعة قوية بزاف وعجبوني اللعابة، والحمد لله الكرة المغربية زوينة وعندنا لاعبين مزيانين وكيدورو الكرة”.
وكشف آزنو عن الحوار الذي دار بينه وبين الناخب الوطني وليد الركراكي قبل 6 أشهر، قائلا “كان هضر معايا الركراكي هادي 6 شهور وقال ليا خاصك تخدم وتكون مزيان، وداك الشي اللي درت، وها أنا اليوم هنا الحمد لله”.
وعن علاقته باللاعبين، قال اللاعب الشاب “الدراري ضريفين بزاف ومع أنا هو الصغير كنحشم شوية، ولكن كيديرو معايا زوين، وكيهضرو بالإسبانية كنتواصل معهم مزيان”.
وختم تصريحه بالقول “إن شاء الله غنجيبو الرباح من أكادير”.
