• بعد مقتل شابين حرقا على يد الجيش الجزائري.. منظمات صحراوية تندد بالجريمة وتطالب بتدخل المجتمع الدولي
  • البام: المغرب في أزمة والحكومة غارقة في والصراعات وتبادل الاتهامات حول الانتخابات
  • السياسة تدخل على خط “كورونا” الرجاء والحسنية.. حرص أم مزايدات؟
  • طلب فدية من عائلة الدري.. الدرك يعتقل مختطف الطفل حسين 
  • تحذيرات من موجة ثانية من الوباء.. أوروبا تستعد للعودة إلى الحجر الصحي
عاجل
الأربعاء 30 سبتمبر 2020 على الساعة 12:51

والدة حمزة لبيض: ولدي ماشي برهوش وفلوس الدعم ما غنديروهمش فجيبنا

والدة حمزة لبيض: ولدي ماشي برهوش وفلوس الدعم ما غنديروهمش فجيبنا

عبرت والدة حمزة لبيض، عن غضبها واستيائها من الانتقادات التي طالت ابنها عقب الإعلان عن نتائج الدعم الاستثنائي الذي خصصته وزارة الثقافة لتشجيع المشاريع الثقافية والفنية.
واستفاد حمزة لبيض من مبلغ مالي قيمته 80 ألف درهم، ما خلق جدلا واسعا على مواقع التواصل الاجتماعي وطرح عدة تساؤلات في صفوف مواطنين، حيث كتب أحد رواد الفايس بوك: “هاد البرهوش يلاه قطر بيه السقف البارح ما عندو فرقة موسيقية ما عندو وليدات ما عندو زوجة ما كايصرف على حتا حد خدا 8 مليون الأطباء بلا كونجي vu”.
وكتب آخر “دابا هذا شاد 8 ديال الملاين ديال الدعم وهو عندو 14 عام. ها العار لاش جاتو!! وملايين ديال الشباب وديال الأطر تيتوفاو في صمت! حسبي الله ونعم الوكيل”.
في حين عبر آخرون عن اتفاقهم مع استفادة حمزة لبيض، وجاء في أحد التعليقات: “كنعقل نهار ربح حمزة لبيض ما كينش لي ما حط صورة ديالو وفرح بيه وكبر بيه.. ليوم حسدوه على 8 دالمليون سنتيم كفنان في بداية مشواره.. المروكي خاصو يشوفك مكحط عاد كيرتاح”.
وكتب آخر “داك الطفل مبدع يستاهل الدعم ولعجاجا اللي نوضو عليه راه غادي يتهز نفسيا حيت باقي صغير… الدعم لي شد ديال مشروع وغادي خصو يزيد عليها باش ينتج كليب أو أغنية ماشي عطاوه تعويض يشري بلايستيشن… لكن الناس تتهضر في كلشي إلا الأمور اللي خاص نيت نوضو عليها لعجاجا ماتتلقي حد”.
ومن جهتها، ردت والدة حمزة لبيض، في اتصال مع موقع “كيفاش” على منتقدي ابنها، قائلة “هاد الشي مرضني وما بقيت عارفة ليلي من نهاري ما عرفتش علاش الناس ما فاهمينش شنو من وراء هاد الدعم وكيهضرو”.
وأضافت “هاد الدعم كيعطيوه للفنانين 2 مرات فالعام الفنانين كيعتمدو على السهرات وهاد العام ما كاينينش بسبب كورونا مشاو طالبو الوزارة باش دير حل قالت ليهم قدمو بروجيات ديال الأغاني وحنا نعاونوكم حتى حمزة جمع الملف ديالو ودفعو بالملحن وصاحب الكلمات والستوديو وكلشي حيت الدولة خاصك تعطيها باش تعطيك”.
وتابعت فايزة “هذا أول دعم لولدي حمزة وقدم 4 الأغاني بكلشي ليهم ماشي غير أجي وخود الدعم والفلوس اللي عطاوه را ما كافياش… دابا الناس كيشوفو حمزة خدا 8 المليون صافي را دارها فجيبو”.
وواصلت “حمزة را ما بقاش دري صغير را دخل للميدان الفني حتى هو ولى من الفنانين وعندو بطاقة فنان والهضرة ديال الناس ضراتنا بزاف وحشومة يقولو على ولدي برهوش حيت ولدي ماشي برهوش”.
وختمت حديثها “الناس خاصهم يسولو وزارة الثقافة حيت هي اللي كان خاصها تشرح هاد الشي وتقول للناس هاد الدعم ديالاش ماشي حمزة لبيض”.