• ابتداء من الاثنين الجاي.. إيداع ملفات تبديل رخصة السياقة في وكالات “بريد كاش” و”بريد بنك”
  • بعد الجرعة الثالثة.. منظمة الصحة العالمية تدعو إلى تجميد توزيع اللقاح
  • خاصها أكثر من 1260 مليار سنتيم.. تأثير الجائحة على عدد من المقاولات والمؤسسات العمومية
  • أزيلال.. قرب إطلاق بناء سد كبير على وادي لخضر
  • 43 مليار درهم إضافية.. الثروة المالية للأسر المغربية في سنة 2020 تتحدى الجائحة
عاجل
الإثنين 14 يونيو 2021 على الساعة 13:30

مهاجرين مغاربة ل”كيفاش”: فرحنا بزاف بعد الأمر الملكي وكان بقى فينا الحال حيت كنا غنتحرمو من الشوفة ديال عائلاتنا

مهاجرين مغاربة ل”كيفاش”: فرحنا بزاف بعد الأمر الملكي وكان بقى فينا الحال حيت كنا غنتحرمو من الشوفة ديال عائلاتنا Arrivée de 160 Marocains à l'aéroport de Béni Mellal à bord d’un avion de la Royal Air Maroc (RAM), en provenance de l'aéroport de Séville, dans le cadre du rapatriement des Marocains bloqués à l’étranger en raison de la pandémie du nouveau coronavirus. 27062020 - Béni Mellal

عبر عدد من المغاربة المقيمين في الخارج، في تصريحات لموقع “كيفاش”، عن سعادتهم وفرحتهم وامتنانهم للملك محمد السادس، الذي أصدر، يوم أمس الأحد (13 يونيو)، تعليماته السامية للسلطات المعنية، قصد تسهيل عودة أبناء الجالية المغربية إلى المغرب.

عبد الرحيم البالغ من العمر 26 سنة، مهاجر مغربي مقيم في إيطاليا، قال في اتصال مع الموقع “الصراحة هادوك الأثمنة اللي كنا شفنا خلعونا وبزاف ديال المغاربة ما كانوش غادين يدخلو للمغرب هاد الصيف ولكن ملي خرج الأمر الملكي فرحنا بزاف وحتى واليدينا ما قداتهم فرحة”.

وأضاف “الحمد لله عندنا ملكنا كيفكر فينا الله ينصرو ويطول فعمرو”.

ومن جهتها، قالت ليلى، مغربية مقيمة في فرنسا، “أنا كنت هضرت مع دارنا وقلت ليهم ما غنجيش هاد الصيف بسبب هادوك الأثمنة الخيالية اللي دارو لينا وبقى فيا الحال حيت غنتحرم من الشوفة ديال عائلتي هاد العام عاوتاني ولكن دابا من بعد القرار الملكي كنتمنى الأثمنة يكونو في المتناول وندير لدارنا مفاجئة”.

ووجهت ليلى رسالة إلى الملك محمد السادس، قائلة “الملك ديالنا ديما كيفكر فينا وفمصلاحتنا الله يخليه لينا وحنا كمغاربة فخورين به”.

وبدوره، قال الحاج محمد، مغربي مقيم في فرنسا “فرحنا ملي تدخل الملك حيت الاثمنة اللي كانو خلعونا انا جيت لفرنسا نقاد غير الاوراق ديال التقاعد ديالي وحصلت هنا وملي حلو الحدود بغيت نرجع عند وليداتي لقيت كلشي غالي”.

يذكر أن الملك أصدر، يوم أمس الأحد (13 يونيو)، تعليماته السامية للسلطات المعنية وكافة المتدخلين في مجال النقل، قصد العمل على تسهيل عودة أبناء الجالية المغربية المقيمة بالخارج إلى بلادها، بأثمنة مناسبة.