• للرد على أسئلة البرلمانيين حول الحصيلة المالية والاقتصادية.. أخنوش يحل بمجلس المستشارين الثلاثاء المقبل
  • وزارة النقل: تَقرر السماح لمستعملي الطريق باستعمال لوحات التسجيل الدولية داخل التراب الوطني
  • بسبب استفزاز المغرب.. الكاف يحقق مع المنتخب الجزائري للسيدات
  • بعد منحه فرصة جديدة.. الوداد يقترب من تفعيل بند شراء عزيز كي
  • بعد إشادة وانتقادات.. مورينيو يُعيد رسم ملامح مستقبل النصيري في فنربخشة
عاجل
الخميس 22 ديسمبر 2022 على الساعة 13:00

“مكتشف” زياش: احتفاء جلالة الملك والشعب بالأسود غيكون حافز للاعبين آخرين باش يختارو الدفاع عن القميص الوطني (فيديو)

“مكتشف” زياش: احتفاء جلالة الملك والشعب بالأسود غيكون حافز للاعبين آخرين باش يختارو الدفاع عن القميص الوطني (فيديو)

علق اللاعب الدولي السابق عزيز دو الفقار، المعروف إعلاميا ب”مكتشف زياش”، عن الاستقبال الأسطوري الذي حظيت به بعثة المنتخب الوطني المغربي عند وصولها إلى المغرب قادمة من الدوحة القطرية، من قبل جلالة الملك محمد السادس والجماهير المغربية، اختفاء بما قدموه في كأس العالم قطر 2022.

واعتبر دو الفقار، أثناء حلوله ضيفا على برنامج “بدون لغة خشب” على قناة “كيفاش تيفي”، يوم أمس الأربعاء (21 دجنبر)، أن احتفاء جلالة الملك والشعب بلاعبي المنتخب الوطني سيكون حافزا للاعبين من الجنسية مغربية لحسم اختيار المنتخب الذي سيحملون قميصه دوليا.

وقال دو الفقار “واش كاين شي واحد يقدر ما يعزلش المغرب، المغرب ما كاينش بحالو شوف غير الاستقبال الملكي والجماهيري كيف كان، الاستقبال اللي لقاو الأسود فالمغرب ما لقاوهش الأرجنتين اللي داو كأس العالم”.

وأضاف “أي مغربي هنا في هولندا كنقول ليه را يلا عزلتي المغرب را غادي تبقى ديما مهزوز فوق راس الجمهور”.

وتابع “غير فالتيران أنا بعدا مشيت تفرجت فالوداد والرجاء ما كتفرجتش فالماتش تفرجت غير فالجمهور، بلا الجمهور عمرنا نديرو شي حاجة وأنا عمرني شفت شي جمهور فالعالم بحال المغرب الشعب ديالنا واعر”.

وبخصوص حضور أمهات اللاعبين في المدرجات لتشجيع أبنائهم، قال دو الفقار “ما عمرك شفتي شي لعاب فالتيران مخرج مو كيشطح هو وياها وفرحان، هذا هو المغرب رضاة الواليدين توصلك فين ما بغيتي”.

وواصل “ملي كيبان ليك لعاب كيشطح مع مو كيبين أنها را هي كلشي، حيت ملي تزاد وهي كتغسل ليه حوايجو وكديه وتجيبو وكتغسل ليك صبابط الكرة وكتخلص عليك باش توصل، وهاد الحلم را وصلو ليه كاملين، وحتى واحد فالعالم كان كيظن أن المغرب غادي يوصل لهاد الشي اللي وصل ليه”.

وختم حديثه بالقول “حنا عندنا فرقة وهاديك الفرقة مكونة بالجمهور، واللعابة فاش كيدخلو للتيران را ماشي هوما اللي كيلعبو را الجمهور اللي كيلعب”.