• المحاكمة غدا الثلاثاء.. آخر مستجدات قضية “الجنس مقابل النقط”
  • كيوجدو للمؤتمر الوطني لـ”الأحرار”.. أخنوش يجتمع بمنسقي الحمامة في سوس (صور)
  • أكيندي “مع الرمضاني”: أكثر من 70 ألف طفل في حالة إعاقة خارج المدرسة!
  • أخنوش: “ميثاق الأغلبية” يشكل تعاقدا سياسيا وأخلاقيا بين التحالف الحكومي (صور)
  • أعلن دعمه لإعادة إطلاق الحوار حول الصحراء المغربية.. ألباريس يلتقي دي ميستورا في روما
عاجل
الثلاثاء 16 نوفمبر 2021 على الساعة 13:00

الدكيك عن مواجهة منتخب السامبا: شرف لينا نستقبلو البرازيل اللي تايجي أول مرة لإفريقيا

الدكيك عن مواجهة منتخب السامبا: شرف لينا نستقبلو البرازيل اللي تايجي أول مرة لإفريقيا

يواجه المنتخب الوطني المغربي لكرة القدم داخل القاعة، اليوم الثلاثاء ويوم غد الأربعاء (16 و17 نونبر)، المنتخب البرازيلي وديا في مدينة العيون، على الساعة الخامسة بعد الزوال، بقاعة الحزام في العيون.

مباريات مهمة
وقال هشام الدكيك، مدرب “أسود الفوتسال”، إن المباريات الودية مهمة، وتساعد المنتخب في أخذ التجربة وتحسين مركزه في تصنيف “الفيفا”.
وأضاف الدكيك، في تصريح لموقع “كيفاش”، عن مواجهة بطل العالم 5 مرات، أن “هذا شرف كبير لينا أننا غنستقبلو البرازيل واللي أول مرة كيجيو لإفريقيا وبالضبط للمغرب”.
وتابع “المنتخب البرازيلي جا للعيون بدون شروط أو قيود وتحملو المصاريف ديالهم كاملة… وهاد الشي راجع للمشاركة الطيبة ديالنا اللي كانت فكأس العالم، واللي خلات المغرب تولي عندو قيمة فهاد الرياضة”.
وأكد الدكيك أن “الأهم دابا هو أننا غنلعبو مع منتخب قوي وبطل العالم 5 مرات”.

فترة انتقالية “لأسود الفوتسال”
وحول الاستعدادت والأجواء داخل المنتخب الوطني، قال الدكيك أن المنتخب يعيش فترة انتقالية الآن، قائلا “المنتخب الوطني كيعيش فترة انتقالية… واللائحة ولاو فيها بزاف دالأسماء جداد حيت كنفكرو فالاستحقاقات المقبلة للمنتخب”.
وأضاف “عندنا لاعبين اللي تقدمو شوية فالسن، وحتى هما كنفكرو كيفاش ندخلوهم فمنظومة التدريب أو التأطير… والمنتخب اليوم عندو جوج دالمجموعات، المجموعة اللي كانت معانا وما زال محتافظين بها، ومجموعة شابة كنتمناو أنها تقدم مباراة كبيرة ضد المنتخب البرازيلي”.

رسالة للمغاربة
وفي رسالته للمشجعين المغاربة، قال الدكيك “الحمد لله حنا اليوم ما بقيناش كنلعبو غير مع المنتخبات المتوسطة أو اللي المستوى ديالها ضعيف ولكن ولينا كنلعبو مع منتخبات كبيرة… كنطلب من المغاربة يشجعونا وما يتسناوش منا نتائج باهرة حيت حنا يالاه فالبداية”.
وختم حديثه بالقول “هاد المنتخب باقي شاب كنتمنى التشجيع… والأهم عندنا هو الاستحقاقات القادمة اللي خاصنا نربحو كأس إفريقيا وكأس العرب ونمشيو مزيان فكأس العالم المقبل إن شاء الله”.