• إيطاليا.. الحكم على “الحسناء الداعشية” ب4 سنوات سجنا
  • جددت التأكيد على دعم بلادها لمغربية الصحراء.. بوريطة يتباحث مع نظيرته الإيفوارية
  • بعد فرضها شروطا غريبة.. السلطات الجزائرية تمنع حراك الطلبة للأسبوع الثالث
  • الدوري السوبر.. ويفا تفتح تحقيقا تأديبيا بحق ريال وبرشلونة ويوفنتوس
  • “التشويش وتحريض الأئمة على مخالفة القانون”.. وزارة الأوقاف تحذر
عاجل
الخميس 10 ديسمبر 2020 على الساعة 13:00

أخنوش للشباب المغربي: ما تخليوش بلاصتكم خاوية فالانتخابات (فيديو)

أخنوش للشباب المغربي: ما تخليوش بلاصتكم خاوية فالانتخابات (فيديو)

دعا عزيز أخنوش، رئيس حزب التجمع الوطني للأحرار، الشباب المغاربة إلى التسجيل في اللوائح الانتخابية.

ونشر أخنوش، مقطع فيديو على حسابه على انستغرام، أمس الأربعاء (9 دجنبر)، يدعو من خلاله الشباب إلى إسماع صوته في الاستحقاقات الانتخابية المقبل، من خلال التسجيل في اللوائح الانتخابية.

وأشار رئيس التجمع الوطني للأحرار إلى أن “أكثر من 4 الملايين من الشباب  المغاربة عندهم بين 18 و 24 سنة. ما بين كل 10 الشباب، تقريبا 9 غير مسجلين في اللوائح الانتخابية”، لافتا إلى إمكانية تسجيل “3 ملايين شاب مغربي في اللوائح الانتخابية.

وقال أخنوش: ”هاد الفيديو موجه للشباب، خاصة منهم اللي ما مسجلينش، وكنقدم فيه بعض الدوافع اللي يمكن تساعدكم على اتخاذ القرار”، مضيفا: “هاد ماشي نداء باش تصوتو على حزب معين أو توجه معين، هذا ماشي نداء فقط باش ما تخليوش بلاصتكم خاوية”.

https://www.instagram.com/p/CIl5XrZoRb_/?igshid=tk7ip2fi3zr6

واسترسل أخنوش في مقطع الفيديو: “يلا ما تسجلتوش ما غتصوتوش، ويلا ما صوتوش يمكن غتشوفو بعض الإخوة اللي هوما منتخبين اليوم وما كيعجبوكمش اللي غادي يرجعو، لأنه اللي كيصوت عليهم باقي كيصوت عليهم”.

وأوضح المتحدث: “شحال ما كان الشباب مسجل وكثير شحال ما غادي يكونو منتخبين اللي هوما كيشبهو لهاد الشباب واللي كيتشاركو معاهم الأفكار ديالهم، يلا تسجلتي اليوم راه عندك إمكانية أنه غدا تمشي تصوت أولا ما تصوتش، ويمكن تبدل الفكرة ديالك يلا بان ليك مرشح فالمستوى”

وقال أخنوش: “خاصنا نكونو واعيين بأن 5 سنين ولا 6 سنين اللي جاية غادي تعطيو السوارات لواحد العدد ديال المنتخبين، أنت اللي فعمر 20 عام غادي تكون فعمرك 25 ولا 26، يعني لازم يكون حسن الاختيار ولازم تساهم فهاد الاختيار، خاصكوم تكونو داخل القرار باش تساهمو في اختيار الناس والشباب اللي يستاهل هاد المهمة”.

وأشار رئيس حزب الحمامة إلى أن “السياسة مرتبط بعدد من الأمور، اللي كتهمك شخصيا، بحال الحي ديالك والسبيطار والمدرسة والملاعب الرياضية والثقافة والموسيقى، غدا الاشكالية ديال الكوداج فالشغل، والشغل بصفة عامة، هادو كلهم عندهم علاقة مع السياسة ومع التصويت، ومع الاختيارات اللي غادي يتدارو باش يكون غد أحسن، للشباب ديالنا”.

وخاطب أخنوش الشباب المغربي بالقول: “ما تخليوش بلاصتكم خاوية، لأنه كاينين ناس اللي ماشي فمصلاحتهم أنكم تمشيو تصوتو، يلا بغيتي تسجل راه ما غتحتاج حتى شي واحد باش يعاونك باش تسجل، غادي تمشي تتسجل فالرابط المخصص، وغتحتاج غي 3 ديال الدقايق”.

وأنهى أخنوش نداءه قائلا: “هادي وقتكم، وأنتوما الشباب هوما مستقبل البلاد وحنا معولين عليكم”.

يشار إلى أن التسجيل في اللوائح مفتوح إلى غاية 31 دجنبر 2020، عبر هاد الرابط التالي:

https://www.listeselectorales.ma/Formulaire_Inscription.aspx