كشف يوسف بالقاسمي، رئيس الإدارة الجماعية لـ”سونارجس”، عن التغييرات التي ستطرأ على ملعب محمد الخامس بالدار البيضاء (دونور)، مشددا على أنه سيكون في حلة جديدة من الخارج والداخل.
وقال بلقاسمي في تصريح لـ”ميد راديو” وعدد من وسائل الإعلام، عقب ندوة صحافية تم عقدها بالدار البيضاء، إن “الدار البيضاء غادي تحضى بجوج ملاعب رياضية من المستوى العالي، أولا ملعب بن سليمان اللي غادي يحتضن التظاهرة العالمية ديال 2030، وكذلك ملعب محمد الخامس اللي غادي يشارك إلى جانب 5 المدن الأخرى من أجل احتضان التظاهرة الإفريقية 2025”.
وأكد بالقاسمي أن “الأشغال كتمشي على وثيرة سريعة باش إن شاء الله نهاية 2024 يتم الانتهاء من جميع الأشغال ويكون ملعب دونور واجد”، مشيرا إلى أن “البيضاويين غادي يكونو سعداء ملي غادي يشوفو النتيجة النهائية”.
وأوضح المتحدث ذاته أنه بالنظر “لخصوصية ملعب محمد الخامس والتواجد ديالو وسط المدينة، فمن بين الأشياء اللي ركزنا عليها هو أنه يكون واحد الحضور ديال هاد الملعب داخل المحيط ديالو وتكون انسيابية وتكون تنظيم التظاهرات في واحد المستوى اللي كيسمح باش يكون تناسق مع المحيط ديالو”.
وفيما يتعلق بالتغييرات المتعلقة بالملعب، قال بالقاسمي “أولا من الضروري التأكيد على أن هاد التغييرات كاملة اللي غادي يشملها الملعب غادي يكون فيها احترام تام للمعايير المحددة من طرف الاتحاد الإفريقي لكرة القدم، ولكن كل ما قدرنا أننا في نفس الوقت يتم مراعاة ما أمكن للمعايير اللي تم تحديدها من طرف الاتحاد الدولي”.
وتابع “الملعب غادي يكون في حلة جديدة لا من الخارج ولا من الداخل، والطاقة الاستيعابية غادي تبقى نفسها ولكن غادي يكون تغيير في مجموعة من الأشياء خصوصا في ما يتعلق بمستودعات الملابس، غادي يكونو 4 مستودعات
لأن عدد الفرق غادي يكون مهم جدا وباش يسمح ل2 فرق يلعبو و2 اخرين يكونو في الانتظار”.
وواصل “غادي يكون تغيير الفضاءات المخصصة لرجال ونساء الإعلام من أجل تغطية هاد التظاهرات، وأيضا كل ما يتعلق بالمرافق اللي غادي توضع رهن إشارة الحاضرين”.
وختم المدير العام لشركة “سونارجس” حديثه بالقول “مجموعة من التغييرات غادي يعرفها الملعب اللي عندو حضور تاريخي كبير عند البيضاويين باش يكون في المستوى اللي كينتظروه”.
