مور ما قطعو عليه الطريق باش ما يكونش أمين عام للمرة الثالثة، مارست الأمانة العامة لحزب العدالة والتنمية، سياسة “يخ منو عيني فيه”، في البلاغ اللي صدراتو عشية اليوم السبت (2 دجنبر).
البلاغ، اللي وقعو سليمان العمراني، نائب الأمين العام للحزب وليس ابن كيران، عدد خصال ونجاحات الرجل وحتى الإشعاع اللي قدر يوصل ليه الحزب في العهد ديالو.
ولكن رغم هذ المحاباة الناس راهم باقين على موقفهم من الأمين العام، وباش يتنصلوا من المسؤولية وما يتحسبش عليهم هوما اللي جراو عليه، ولاو كينقلو تصريحات على لسانو واللي من خلالها كيقلبو باش يطفيو غضب المنتسبين للحزب.
البلاغ أفاد بأن ابن كيران أكد أن قرارات المجلس الوطني الأخير هي قرارات مؤسساتية لا غبار عليها وهو أول من يلتزم بها.
إيوا لمن تعاود زابورك يا داود، راه تيار الغاضبين والرافضين حالف ما يتيق هاد الكلام، وخير دليل شي ناس كيفكرو يستاقلوا من الحزب كاع.
