تعرض الفنان الأمازيغي، صاحب العروض الهزلية، رشيد أسلال، ليلة أول أمس السبت (28 يوليوز)، في مهرجان نظم في مدينة أولاد برحيل في إقليم تارودانت، للرشق بقنينات المياه المعدنية، رافقها ترديد شعارات مسيئة إليه، من طرف بعض الشباب الحاضر للحفل.
وقال أسلال، في تصريح لـ”كيفاش”: “كانت واحد المجموعة مكونة من 15 فرد كيغوتو وما خلاوش الناس على راحتهم، وأنا من المنصة سولتهم فين المشكل؟ فقالوا لي حنا ضد المهرجان وبغينا سبيطار، فجاوبتهم باللي راني مستعد نعطي نصف المستحقات ديالي من جميع المهرجات لاش كنحضر للمساهمة فبناء سبيطار، لكن خليو الناس اللي عاجبهم هاد الشي تنشط فخاطرها”.
وأضاف أسلال القول: “ولكن من بعد واحد المدة، رجال الأمن فتحوا الباريير ودخلوا دوك 15 فرد للمنصة فين جالسين النساء، ورجعوا جوج فيهوم كيرددوا شعارات مسيئة وشير عليّ واحد بقرعة، ولأني إنسان قبل نكون فنان، فرديت عليه بالمثل، وهو ما رصدته الكاميرا”.
وختم الفنان الأمازيغي بالقول: “ماشي غير أنا اللي تعرضت لهاذ المضايقات، حتى الفنان الصغير تعرض ليها، وأكثر ما يحز فالقلب هما دوك الشعارات المسيئة للوالدين وللهوية الأمازيغية”.
